• USD 468.56

  • EUR 497.56

  • RUB 7.3

  • CNY 67.18

25 Sáýir, 00:01:58
Almaty
+35°

28 Aqpan, 2024 Álem

Alekseı Navalnyımen qoshtasý rásimi qashan ótetini belgili boldy

Reseıdiń oppozısııalyq saıasatkeri Alekseı Navalnyıdy aqtyq saparǵa shyǵaryp salý rásimi 1 naýryzda ótetini belgili boldy.

mstrok

Qaraly qaýymǵa belgilengen ýaqyttan erterek kelý suralýda, dep habarlaıdy Qamshy.kz

Alekseı Navalnyıdyń baspasóz hatshysy Kıra Iаrmysh jerleý rásimine qatysty aqparat taratty. 

"Alekseımen qoshtasý rásimi 1 naýryz kúni saǵat 14.00-de Marınodaǵy "Meniń qaıǵymdy jeńildet" ataýyndaǵy Qudaı Ana ıkonasy shirkeýinde ótedi. Aldyn ala kelý suralady. Marqum Borısov zıratynda jerlenedi", dep jazdy Iаrmysh jelide.

Aıta ketsek,  2024 jyly 16 aqpanda Reseıde 19 jylǵa sottalyp, jazasyn ótep jatqan oppozısııalyq saıasatker Alekseı Navalnyıdyń túrmede kóz jumǵany belgili boldy. Nemsovtan keıin Pýtın rejımimen kúresýshi tulǵa Navalnyıdyń qupııa ólimi qoǵamda úlken narazylyq týǵyzdy.

Sol sekildi RF Tergeý komıteti tekserýdiń 14 kúnge uzartylýyna baılanysty marqumnyń denesi berilmeıtinin jetkizgen. 

Osyǵan baılanysty reseılik saıasatkerdiń anasy Lıýdmıla Navalnyı vıdeo úndeý jarııalady. Ol óz úndeýinde óziniń tarapyna jasalyp jatqan qoqan-loqy kúnnen kúnge údep bara jatqanyn ári balasynyń denesin bermeı otyrǵan bılik ony qupııa jerlep, qoshtasý rásimin ótkizbeýdi qalaıtynyn aıtty. 

Sondaı-aq Alekseı Navalnyıdyń áıeli Iýlııa kúni keshe el aldyna shyǵyp, kúıeýiniń isin jalǵastyratynyn málimdedi.

Sheteldik BAQ-tar Eýropa Navalnyıdyń kóz jumar aldynda ony basqa bir sottalýshymen aıyrbastaý týraly kelissóz júrgizilgeni týraly da aqparat taratty.  

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir