14 aqpanda jer silkinisi bolady ma?: Seısmolog blogerdiń boljamyna jaýap berdi

Áleýmettik jelilerde Almatyda qatty jer silkinisi bolady dep boljaıtyn beınerolıkter  taralýda. Osy aqparatty taratqan bloger "14 aqpanda planeta Kún energııasynyń bólinýine ushyraıdy" jáne bul jer silkinisin týdyrýy múmkin deıdi. Onyń aıtýynsha, qala turǵyndary 14 aqpannan naýryzdyń basyna deıin jer silkinisine daıyn bolýy kerek deıdi. onyń bul boljamyna Seısmologııalyq baqylaýlar men zertteýlerdiń ulttyq ǵylymı ortalyǵynyń basshysy Dáýlet Sársenbaev:

     —Onyń 14 aqpannan keıin respýblıka aýmaǵynda kúshti jer silkinisi bolady degen boljamyna keletin bolsaq, shynyn aıtqanda, bul blogerler neni meńzep otyrǵanyn bilmeımiz. Olardyń negizderi qandaı? Olar tús kórme me, álde birdeńe paıdalanady ma? Bul qıyn suraq. Shyn máninde, biz kún saıyn 200-den astam parametrdi óńdeımiz, monıtorıng gıdrodınamıkalyq, gıdrohımııalyq, geofızıkalyq, deformasııalyq prosesterdi jáne tipti bıologııalyq baqylaý arqyly júzege asyrylady. Osynyń negizinde biz seısmıkalyq jaǵdaıǵa boljam jasaımyz. Bıyl Almaty oblysynda kúshti joıqyn jer silkinisi kútilmeıdi», — dedi Dáýlet Sársenbaev.

Eske salsaq, 23 qańtarda Almatyda 6,7 balldyq jer silkinisi boldy. Astana ýaqytymen 00 saǵat 09 mınýtta almatylyqtar qatty jer silkinisin sezdi. Tótenshe jaǵdaılar departamentiniń málimetinshe, jer asty dúmpýiniń epısentri Almatynyń ońtústik-shyǵysynda, 264 shaqyrym jerde tirkeldi. TJD deregine sáıkes,  aldaǵy ýaqytta eshqandaı dúmpýi qatty jer silkinisi bolmaıtyndyqtan, dúrligýdiń qajeti joq ekenin eskertedi.