Foto: Ashyq derekkóz
Qasym-Jomart Toqaev "Qazaqstan Respýblıkasynyń keıbir zańnamalyq aktilerine Ulttyq qordan balalarǵa arnalǵan qarajatty esepteý, tóleý jáne paıdalaný máseleleri boıynsha ózgerister men tolyqtyrýlar engizý týraly" zańǵa qol qoıdy, dep habarlaıdy Aqorda.
Zańnyń mátini baspasózde jarııalanady.
Zańǵa sáıkes, 2024 jylǵy 1 qańtardan bastap Ulttyq qordyń jyl saıynǵy ınvestısııalyq kirisiniń 50%-i balalar 18 jasqa tolǵanǵa deıin olardyń arnaıy jınaqtaý shottaryna aýdarylady. Bul aqshany merziminen buryn alýǵa tyıym salynady.
Bala kámeletke tolǵannan keıin shottaǵy aqshasyn baspana satyp alýǵa nemese oqý aqysyn tóleýge jumsaı alady. Alaıda bala azamattyǵyn ózgertken nemese joǵaltqan jaǵdaıda tólem alý quqyǵynan aıyrylady. Ulttyq qordan beriletin qarajatqa salyq salynbaıdy. Esepshottaǵy aqsha dollarmen jınaqtalady. Al tólenetin kezde sol kúngi kýrspen teńgege aýdarylady.
Balalar aqshany maqsatqa saı paıdalanýy úshin BJZQ jınalǵan qarajatty ekinshi deńgeıli bankte nemese ulttyq poshta operatorynda ashylǵan shotqa jiberedi.
Aıta keteri, 18 jasqa tolǵan azamat shotty ózi qalaǵan bankten asha alady.
Eger bala 18 jasqa tolǵannan keıin jınalǵan aqshasyn almasa, ol shotta 10 jyl boıy saqtalady. On jyldan keıin de qajet bolmasa, qarjy sol adamnyń zeınetaqy shotyna aýdarylady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir