• USD 468.56

  • EUR 497.56

  • RUB 7.3

  • CNY 67.18

21 Aqpan, 14:44:27
Almaty
+35°

Ýkraına syrtqy ister mınıstrligi TMD lıderleriniń Máskeýdegi paradqa barýyn "táýelsizdik úshin kúresip jatqan ýkraın halqyna qarsy dushpandyq qadam" dep atady.

Málimdemede parad kezinde Ýkraınaǵa qarsy soǵysqa qatysyp jatqan reseılik áskerı tehnıka kórsetilgeni aıtylǵan. Sonymen qatar, Vladımır Pýtınniń "ýkraınderdi óltirýdi, Ýkraınanyń qalalary men aýyldaryn talqandaýdy, bala urlaý men okkýpasııalanǵan ýkraın aýmaqtary turǵyndaryna qarsy repressııany aqtaǵany" da jazylǵan.

"Is-sharanyń aldynda Reseı Ýkraınany odan saıyn qıratý úshin 25 qanatty zymyranyn ushyrdy" dedi olar. Bul týraly Azattyq radıosy jazdy.

Málimdeme avtorlary Ortalyq Azııa men Kavkaz halqy 78 jyl buryn nasızmdi jeńýge ólsheýsiz úles qosty dep jazǵan. Al osy elderdiń qazirgi basshylarynyń paradqa qatysýy "azattyǵy úshin kúresi jatqan ýkraın halqyna qarsy dushpandyq qadam" dep baǵalanǵan.

Eske sala keteıik, 9 mamyrda Máskeýdegi Qyzyl alańda Ekinshi dúnıejúzilik soǵystaǵy jeńistiń 78 jyldyǵyna oraı áskerı parad ótti. Sharaǵa Reseı prezıdenti Vladımır Pýtınmen birge Qazaqstan prezıdenti Qasym-Jomart Toqaev, Qyrǵyzstan, Tájikstan, О́zbekstan, Túrkimenstan prezıdentteri jáne Belarýs basshysy Aleksandr Lýkashenko men Armenııa premeri Nıkol Pashınıan qatysqan.

Pýtın paradtaǵy sózinde "Batystaǵy globalıstik elıta Reseıge soǵys ashty" dep aıyptap, batys elıtasyn nasısterge teńegen. Reseı prezıdenti "Batys Reseıdiń qurdymǵa ketip, ydyraǵanyn qalaıdy" dedi.

Ol Sovet Odaǵynyń Ekinshi dúnıejúzilik soǵys kezindegi odaqtastaryn atap ótip, paradqa kelgen TMD elderiniń basshylaryna alǵys bildirdi.

"Qamshy" silteıdi
Ilmek sózder: tmd pýtın ýkraına

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir