Aqtóbe oblysynyń dárigerleri prezıdent Toqaevqa alǵys aıtty

Búkil álemdi dúrliktirip, álekke salǵan pandemııa bizdiń eldi de orasan zor dúrbeleńge saldy. Barlyq elderde  dárigerler  osy indetpen aldyńǵy qatarda bolyp, qaýipti dertpen jan aıamaı kúresýde. Solardyń qatarynda biz de, Aqtóbe óńiriniń dárigerleri qaterli vırýstyń saldarynan dertke shaldyqqan naýqastardyń janyna arasha túsip, shamamyz kelgenshe aman alyp qalýǵa tyrysýdamyz. Qoldan kelgen barlyq múmkindikterimizdi aıamastan, osy maıdanda janqııarlyq erlik kórsetip júrgen áriptesterimiz az emes. О́kinishke oraı, olardyń birqatary basqalardyń ómiri úshin kúrese júrip,  ózderi osy indettiń qurbany  boldy. Olardyń erlikke tán eńbegin baǵalap, Siz, Qasym -Jomart Kemeluly  óz jarlyǵyńyzben joǵary memlekettik  nagradamen maraptattaýyńyzdy  biz erekshe kóńil-kúımen qabyldadyq. Aqtóbe óńiri batys aımaǵynda medısınalyq klaster bolyp qalyptasty.  Ortamyzdan álemge áıgili bolǵan shıpagerlerimiz Aqqaǵaz Dosjanova, Ishanbaı Qaraqulov, Jaqsylyq Dosqalıev, Serik Aqsholaqov  syndy jerlesterimiz shyqqan ólkeden, osy indetpen kúreste sońǵy demi qalǵansha basqalarǵa jan arashashy bolyp júrip, ózi de kelmes saparǵa ketken áriptesimiz Qozbaǵarov Qalıhan Esbosynulyna memlekettik joǵary marapat «Qazaqstannyń Eńbek Eri» ataǵyn berilýin, tek marqumnyń jeke basyna ǵana kórsetilgen qurmet qana emes, Aqtóbelik barsha dárigerlerdiń eńbeginiń elenýi dep túsindik. Sol úshin ózińizge, qadyrmendi  Qasym - Jomart Kemeluly  Aqtóbelik barsha medısına qyzmetkerleri qaýymy atynan alǵysymyzdy bildirgimiz keledi. Jáne osy indetpen kúres jolynda biz jan aıamastan qyzmet etip, naýqastarymyzdyń sany azaıyp, bizdiń qaramaǵymyzda jatqandarǵa tıisti medısınalyq kómegimizdi berip, tezirek jazylyp qatarǵa qosylýlaryna qoldan kelgenniń bárin jasaımyz dep sendiremiz. О́ıtkeni bizdiń óńirdiń oǵan tolyq múmkindigi bar, qajetti mamandarymyz, qural-jabdyq, tıisti dári-dármek jetkilikti. Janǵa shıpa bolar jyly sózimiz ben meıirimimiz de jeterlik. О́ıtkeni bizdiń jasap jatqan eńbegimizdi durys baǵalap, rahmetin aıtyp jatqan halqymyz bar, tıisinshe járdemin berip qoldaý kórsetýshi basshylarymyz bar. Eldiń iri kásiporyndary basshylarymen, kásipkerlerimiz, júzdegen eriktilerimiz, eldiń azamattary  shynaıy janashyrlyq  kórsetip, árdaıym qol ushyn berip, járdemderin aıamaýda. Bir jaǵadan bas, bir jeńnen qol shyǵaryp yntymaqtastyqtyń úlgisin kórsetti. Eń bastysy elde mol túsinik, bereke-birlik bar. Al birlik bar jerde alynbaıtyn qamal joq ekendigi aıdan anyq. Barshańyzǵa osynaý synaqtan synbaı, aman-esen ótýimizdi tileımiz. Eldiń amandyǵy, denniń saýlyǵy bolsyn.

Izgi nıetpen Aqtóbe óńiriniń  aq jeleńdi abzal jandary, dárigerler qaýymy atynan:

Qaırat Sabyr,  «SENIM» densaýlyq saqtaý júıesi jumyskerleriniń salalyq kásipodaǵy» Respýblıkalyq qoǵamdyq birlestiginiń Aqtóbe oblystyq fılıalynyń tóraǵasy.

Roman Rahıev,  Aqtóbe oblysynyń densaýlyq saqtaý salasy qyzmetkerleriniń ardagerler keńesi tóraǵasy.

Roza Iztileýova,  Aqtóbe oblysy dárigerleri men provızorlarynyń assosıasııasy qoǵamdyq birlestiginiń prezıdenti.