• USD 468.56

  • EUR 497.56

  • RUB 7.3

  • CNY 67.18

21 Aqpan, 16:50:08
Almaty
+35°

Almaty oblysy, Shelek aýylynyń turǵyny Tursynáli Dáýlesh aýyl-aýyldy aralap kómekke muqtaj azamattardyń eń birinshi qajettigin oryndaýǵa qolǵabys etip júrgenine birneshe jyl boldy. 2019 jyly Qytaıdan qonys aýdarǵan ol elge kele sala saýdamen aınalysyp, jaǵdaıyn túzep alǵannan keıin qaıyrymdylyq jasaýdy qolǵa aldym deıdi.  

«Qytaıda júrgen kezde Kúnes aýdanynda 10 jyl, Ile qazaq oblysynda da 13 jyl jýyq ımam bolyp qyzmet ettim. 2019 jyly kúzde Qazaqstanǵa kóship keldim. Elge oralǵan kezde de meshit ımamy bolý jóninde usynystar tústi. Alaıda usynystyń kóbinen bas tarttym. О́ıtkeni elge kelgen soń jeke kásippen shuǵyldanǵym keldi. Saýdamen aınalysyp, muqtaj jandarǵa kómek kórsetsem degen maqsatym boldy. Alǵashqyda túrli qıyndyqty bastan ótkerdik. Qytaıdan 200 myń teńgemen kelgenbiz. Onyń ózi qujattardy rásimdeýge jumsaldy. Keıin Baqtybaı Mútálip esimdi baýyrymnyń kómegimen bal saýdasymen aınalystym. Allaǵa shúkir, saýdanyń berekesi bolǵandyqtan jaqsy paıda taýyp, maqsatymdy birtindep oryndap jatyrmyn. Shet jerde júrgen qazaqtyń maqsaty bir dep oılaımyn. О́zge elde sultan bolǵansha, óz elińde ultan bol deıdi ǵoı. Sol sekildi biz de atamekenimizde ultan bolsaq ta, qoldan kelgen paıdamyzdy tıgizgim keldi. Ul-qyzymyz dinimizdi, dástúrimizdi boıyna sińirip, óz Otanyna qyzmet etsin degen maqsatpen keldim», deıdi Tursynáli  Dáýlesh.

Tursynáli Dáýlesh byltyr táýelsizdiktiń 31 jyldyǵyna oraı turmysy tómen 31 otbasyny taýyp, eǵ qajetti muqtajdyqtaryn ótep bergen. Ol bul ıdeıany júzege asyrýyna ne sebep bolǵanyn aıtyp berdi:  

«Byltyr aıaq astynan táýelsizdiktiń mereıtoıyna oraı osyndaı jaqsy oı keldi. Bir jaǵynan jasaǵan qaıyrymdy istiń saýaby ata-babamyzǵa da tıse degen nıet boldy. Sebebi táýelsizdik, osyndaı ulan-baıtaq jer bizge aspannan túsken joq. Bul – ata-babamyzdyń qanymen, mańdaı terimen kelgen táýelsizdiktiń arqasy. Keıbir baýyrlarymyz otan – baǵa jetpes qazyna ekenin esten shyǵaryp alady. Kóp máseleni Úkimet sheship berse eken dep jalqaýlyqqa salynatyndar da bar. Menińshe, qazir bizdiń qoǵamǵa «kimge kómektese alamyn» dep ómir súretin adamdar qajet. Menen de basqa halyqtyń qamyn degen, qaıyrymdylyq jasap júrgen azamattar bar. «Jańa Qazaqstan» osyndaı azamattar kóbeıgen kezde odan saıyn kórkeıe túsedi dep oılaımyn.   

Alǵash osy ıdeıamdy iske asyrý týraly oılaǵanda ákimshilikke baryp, kómek suraǵan edim. Alaıda ákimshilik qyzmetkerleri «biz qazir 30 adamǵa kómek bersek, keıin aldymyzǵa 50 adam keledi» dep usynysty qoldaýdan bas tartty. Olardy da túsinýge bolady. Sol úshin ózim iske kiristim. Almaty oblysy boıynsha jan-jaqtan kómekke muqtaj azamattardy izdestire bastadym. Muqtaj adamnyń sany kóp. 31 adamǵa kómek kórsetemin dep jospar qoıǵanmyn. Alaıda Qudaıdyń qalaýymen 70-ten asa adamǵa, onyń ishinde uıǵyry bar, orysy bar ultyna bólmeı kómektestim. Qajetine qaraı birine kómir, birine azyq-túlik tarattym. Atam qazaqtyń «Jalǵyz jeseń ózińnen shyǵady, kóppen jeseń aldyńnan shyǵady» degen jaqsy sózi bar. Osy sózdi uran qylyp, jaqsy is jasaýdy jalǵastyratyn bolamyn».

Tursynáli Dáýlesh jaǵdaıy nashar otbasylardyń eń qajetti muqtajdyǵyn ótep qana qoımaı, úısiz jandardyń baspanaly bolýyna da septigin tıgizip júr.

krı

«Oblys boıynsha muń-muqtajdy izdestirip jatqanda baspanasy joq jalǵyzbasty anaǵa jolyqtym. Ol 21 jyl boıy úı kezeginde turyp baspanaly bola almaǵan. Venera Haırýllaeva esimdi áıel týmysynan múmkindigi shekteýli qyzyn, 2 nemeresin asyrap otyr. О́zim baspana alyp berýge múmkindigim bolmaǵandyqtan «Hareket» qoǵamdyq qoryna habarlastym. Olar mán-jaıdy anyqtap, 11 qańtarda baspana kiltin tabystadyq. Aldaǵy ýaqytta «Hareket» qorynyń qatarynda bolyp, Qazaqstan boıynsha jaǵdaıy nashar jandarǵa kómek kórsetýdi josparlap otyrmyn. Al bıyl Táýelsizdiktiń 32 jyldyǵyna oraı kemi 32 otbasyna kómektesýdi jalǵastyramyn», dedi óziniń aldaǵy josparymen bólisken Túrsynáli Dáýlesh.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir