20 Naýryz, 2020 Aıtty-eı, baýyryń!

Qaırat Joldybaıuly: Sahabalar "falaq pen nas súrelerin oqysańdar, sózsiz jeńiske jetesińder" degen joq

Ashyq derekkóz

Maǵan keshe Aqtaýdan tanys bir azamat habarlasyp meshitte jamaǵatpen namaz oqytpaı jatqanyn habarlap, ımamdarǵa degen renishin jetkizdi. Sondaǵysy "falaq" pen "nas" súresin oqyǵan musylmanǵa vırýs juqpaıdy eken. Dál osyndaı mándegi vıdeo rolıkti Almas Altaı baýyrym da maǵan jiberip, jamaǵatqa túsindirýimdi surapty. 

Jalpy mundaı máseleler myna dúnıedegi Allanyń qoıǵan zańdylyqtary men duǵanyń arasyn durys ajyrata almaýdan týyndaıdy. Shynaıy taqýalyq áreket pen salǵyrttyqty shatastyrýdan shyǵady.

Ásilinde, duǵa-tilek eki túrli bolady. Birinshisi ispen, Qudaıdyń myna dúnıede qoıǵan zańdylyqtaryn, sebepterin oryndaý arqyly júzege asady. Mysaly, kóktemde jer jyrtyp, egin egý, dárisin shashyp, tyńaıtqyshyn quıý da áreketpen jasalǵan "Jaratýshym maǵan berekeli egin ber" degen duǵaǵa jatady.
Al ekinshisi júrekpen, tilmen jalbaryný arqyly bolady. Sondyqtan qazirgi álemdik pandemııaǵa aınalǵan koronavırýsqa qarsy eki túrli duǵany qatar jasaýymyz kerek. Sózben jasalǵan duǵa jetkilikti deý dindi, paıǵambardy durys túsinbeý. Alla elshisi (s.a.ý.) ne nárse bolsyn, aldymen Allanyń osy dúnıede qoıǵan zańdylyqtaryn, sebep-saldarlaryn oryndaıtyn. Mysalǵa ýhyd soǵysyn alaıyq. Mádınaǵa qalyń áskermen shabýyl jasaǵan quraıyshtyqtarǵa qarsy musylmandardy barynsha qarýlandyrdy. О́zi de saýytyn kıip, qolyn kókke kóterip, egile jylap uzaq duǵa jasady. Sahabalaryna "saýyttaryńdy sheship, qarýlaryńdy tastap, "falaq" pen "nas" súrelerin oqysańdar, sózsiz jeńiske jetesińder" degen joq. Kerisinshe eki túrli duǵany da kemeline jetkizip oryndady. Handaq soǵysynda da dushpandardan Mádına qalasynyń aınalasyna or qazý arqyly qorǵandy.

Endeshe, áýeli sebepterdi qolymyzdan kelgenshe barynsha oryndaımyz. Biraq sebepterdi qandaı joǵarǵy deńgeıde oryndasaq ta, onyń ózindik kemshiligi bolatyndyǵy sózsiz. Sondyqtan birinshi duǵamyzdy júrekpen, tilmen jasalatyn duǵamyz arqyly tolyqtyramyz. Sondaı-aq, sebepterdi qansha oryndasaq ta, sebepterdiń nátıjesin beretin Alla ekenin umytpaýymyz qajet.
Olaı bolsa, birinshisine mán bermegenniń tilmen ǵana aıtqan tilegi kóbinese qabyl bolmaıdy. Birinshisindegi salǵyrttyqty ekinshimen jabýǵa tyrysý jaýapkershilikten qashý hám shynaıy tilektiń qadirin ketirý sanalady.
Qandaı is bolmasyn sebepterdi rýhanııatqa múldem senbeıtin materıalıster tárizdi oryndaý, al tilmen, júrekpen jasalatyn duǵany sebepterdiń esh paıdasy joqtaı jalbaryna suraý shynaıy taqýalyqtyń shyńy bolmaq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir