Orys tili jónindegi halyqaralyq uıym qurylady. Ony kim qarjylandyrady

Ashyq NQA portalynda "Orys tili jónindegi halyqaralyq uıymdy qurý týraly shartty ratıfıkasııalaý týraly" QR zańynyń jobasyn Májilistiń qaraýyna engizý týraly Úkimet qaýlysynyń jobasy jarııalandy. 
Portalda qaýly jobasyna qosymsha retinde Orys tili jónindegi halyqaralyq uıymdy qurý jónindegi shart berilgen. Bul shartqa Qazaqstan, Qyrǵyzstan, О́zbekstan, Tájikstan, Belarýs jáne Reseıdiń birinshi basshylary bıylǵy qańtarda qol qoıǵan bolatyn. 
Shartta halyqaralyq uıymnyń qandaı jumystarmen aınalysatyny jáne qalaı qarjylandyrylatyny jazylǵan. 

Atalǵan shartqa sáıkes, uıym oǵan múshe elderdiń úlestik jarnalary men erikti jarnalary jáne uıym qyzmeti aıasynda baǵdarlamalardy júzege asyrýǵa bóletin qarajaty esebinen qarjylandyrylady. Úlestik jarnanyń mólsheri qujatta naqtylanbaǵan. 

Uıymnyń resmı de jumys tili – orys tili. Uıymdy bas hatshy basqaratyn bolsa, hatshylyq Reseı Federasııasynyń Sochı qalasynda oryn tebedi.