28 Aqpan, 2024 Álem
Otbasyn buzǵandar el aldyna shyqpasyn! Qyrǵyzdar ajyrasqandarǵa qatysty shara qabyldap jatyr
Qyrǵyz Respýblıkasynyń úkimet basshysy Aqylbek Japarov áleýmettik jelilerdegi jarııalanymdarǵa udaıy monıtorıng júrgizip otyrýdy tapsyrdy. Ol, ásirese ajyrasqan áıelderdiń jazbasyna basymdyq berý kerek dep sanaıdy.
Ashyq derekkózden alyndy
Úkimet basshysy ajyrasyp ketken áıel burynǵy kúıeýi men ata-enesi týraly jaman pikir bildirýge quqyǵy joq, sondyqtan dástúr men ádet-ǵuryptarǵa qaıshy keletin aqparattardyń taralýyna shekteý qoıý kerek dep sheshken.
"Keıbir kelinder týǵan ákesin jer-kókke syıǵyzbaı maqtap, biraq qaıyn enesi men atasyn jamandap otyrady. Ajyrassa mindetti túrde óz pikirlerin áleýmettik jelide jarııalap, jaýdy jeńgendeı bop maqtanady. Otbasyn buzǵandar ózgelerge úlgi emes. Qaıyn eneler baltyryn jalańashtap, shorty kımesin, al kelinder basynan oramalyn tastamasyn", dep 24kg Aqylbek Japarovtyń sózin keltiredi.
Sondaı-aq kórshi eldiń úkimet basshysy qyzdar úı hanymy bolýdy, uldar aqsha tabýdy, Otanyn qorǵaýdy úırenýi kerek dep sanaıdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir