28 Qyrkúıek, 2023 Barlyq aımaqtar
Abaı oblysy kóshi-qon qyzmeti basqarmasynyń basshysynyń paramen ustaldy
Áleýmettik jelilerde Abaı oblysy kóshi-qon qyzmeti basqarmasynyń basshysynyń ustalǵany týraly aqparat tarady, dep habarlaıdy Qamshy.kz aqparattyq agenttigi Sputnik Qazaqstan saıtyna silteme jasap.
Foto: ashyq derek kózderinen alynǵan
Sybaılas jemqorlyqqa qarsy is-qımyl agenttińgi bul aqparatty rastady.
"Abaı oblysynyń sybaılas jemqorlyqqa qarsy qyzmeti kóshi-qon qyzmeti basqarmasynyń basshysy men oblystyq polısııa departamentiniń qyzmetkerlerin paramen ustady.", - dedi vedomstvo.
Antıkordyń málimetinshe, laýazymdy tulǵa óziniń qyzmetkeri arqyly aýdandyq polısııa bólimshesiniń qyzmetkerin qalalyq kóshi qon qyzmeti bólimine aýystyrýǵa járdemdeskeni úshin 1000 AQSh dollary kóleminde para alǵan.
Kúdiktiler ustalyp, ýaqytsha ustaý ızolıatoryna qamaldy.
Sotqa deıingi tergeý jalǵasýda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir