• USD 468.56

  • EUR 497.56

  • RUB 7.3

  • CNY 67.18

23 Maýsym, 07:46:53
Almaty
+35°

20 Qyrkúıek, 2023 Áleýmet

Saıajaıda turyp jatyr talaı qazaq...

Almaty mańyndaǵy "dachalarda" turmysy turalap qalǵan, bıýdjetten bir tıyn kómek kórmeıtin jarty mıllıon adam turady.

Foto: domler.kz

"Almaty oblysynyń aýdandaryn aralap, myńdaǵan turǵynmen kezdesý ótkizip, saıajaı alaptarynda turatyn eldiń qalaı kúneltip otyrǵanyn kórip shoshydym", dedi depýtattyq saýalynda depýtat Maqsat Tolyqbaı.

Onyń sózinshe, Qonaev qalasy, Qarasaı, Eńbekshiqazaq, Talǵar, Jambyl, Ile aýdanynda qazir 674 saıajaı bar.

Ondaǵy turǵyndar sany eń keminde 500 júz myńǵa jaqyndaǵan!

Bul derektiń ózin de naqty aıtý qıyn. Sebebi, azamattar turǵylyqty meken-jaı boıynsha tirkele almaǵan soń, járdemaqy men memlekettik kómek alý úshin Almaty qalasyna tirkelýge májbúr.

– Halyq qysy-jazy turǵynjaı etip otyrǵan júzdegen saıajaıda mektep, balabaqsha, qoǵamdyq kólik qatynasy, medısınalyq járdem kórsetý, asfalt, poshta, baılanys pýnkteri áleýmettik qyzmet ınfraqurylymy, áleýmettik nysandar atymen joq. Elektr qýatyna deıin jekeniń qolynda. Eki ese tarıfpen tóleýge májbúr. Balalar birneshe shaqyrym jerdegi mektepke balshyqpen baryp, ıtke talanýda. Olardyń suraıtyny – «aýyl» statýsy. О́ıtkeni, qoldanystaǵy zańnamaǵa sáıkes, jergilikti atqarýshy organdar bıýdjet qarajatyn qalalyq jáne aýyldyq aýmaqtardy damytýǵa ǵana bóle alady. Bul túıtkildi máseleni úkimettiń deńgeıinde kún tártibine shyǵarmasaq, bunyń arty úlken áleýmettik shıeleniske alyp kelýi múmkin. Úkimet jedel áreket etip, saıajaı máselesin sheshýge arnalǵan naqty, aýqymdy baǵdarlama ázirleýi kerek, – dedi ol.

  • Shynynda, da sońǵy jyldary Almaty mańynda aýyl kóbeıip, saıajaı ataýlynyń bárinde halyq kóptep qonystanyp jatyr.
  • Olardyń jaǵdaıy kúrdeli, halyqtyń shydamy shegine jetip barady.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir