Jyl sońynda Ulttyq qor qarjysy taǵy 2 trıllıon teńgege azaıady

Qazaqstandyq sheneýnikter Ulttyq qor qarajatyn óńirlerdegi ınfraqurylymdy jaqsartýǵa baǵyttalatynyn aıtady. Mysaly, ulttyq ekonomıka mınıstriniń aıtýynsha, aqsha oblystardy damytýǵa quıylǵan soń ekonomıkalyq ósim bolady. Sondaı-aq qor qarajaty munaı óndirisi esebinen úzdiksiz tolyqtyrylyp turady eken.

“Qazir Ulttyq qor tikeleı óz qyzmetin atqaryp jatyr. Iаǵnı, ahýaldy turaqtandyryp otyr. Sondyqtan, biz osy múmkindikti paıdalandyq. Sebebi, biz de óńirlerdegi máselelerdi rettep, mindettemelerimizdi jabýymyz qajet. Al bıýdjet túsimi men kirisin turaqtandyrý úshin eki jyldaı ýaqyt kerek. Osy 2-3 jylda jaǵdaıdy turaqtandyrýǵa tyrysamyz. Osylaısha, 2026-2027 jyldary Ulttyq qordan nysanaly transfertter tartylmaıdy”, – deıdi Ulttyq ekonomıka mınıstri Nurlan Baıbazarov.

Sheneýnikter bıýdjet áleýmettik baǵytqa baǵdarlanǵandyqtan, Ulttyq qordan qarjy alýǵa májbúr ekenin aıtady. Iаǵnı, qarajattyń 60%-y densaýlyq saqtaý, jumyspen qamtý sekildi sektorlardy qarjylandyrýǵa, áleýmettik tólemderdi óteýge ketedi. Al damý bıýdjeti nebári tek 10%, ıaǵnı eki trıllıon teńge.

Mysaly, sońǵy úsh jylda respýblıkalyq bıýdjet shyǵyny 9 trıllıon teńgege ósken. Sebebi, jyl saıyn shákirtaqy, zeınetaqy sekildi tólemderdiń máni ózgeredi. Ol qosymsha shyǵynnyń mólsheri 1 tırllıonǵa teń. Osy aralyqtaǵy tabysy 5 trıllıon teńgege artqan. Qarjy mınıstri qor qarjysy dál osy máseleni sheshý úshin qajet bolǵanyn aıtady.