Sherzat isi: Ishki ister mınıstriniń orynbasary qyzmetten ketti

«Memleket basshysynyń ókimimen Aıdos  Rysbaev Qazaqstan Respýblıkasy Ishki ister mınıstriniń orynbasary laýazymynan bosatyldy» delingen Aqorda habarlamasynda. 

Aıdos Rysbaev 2023 jylǵy qarashadan bastap ishki ister mınıstriniń orynbasary qyzmetin atqarǵan. Nege otstavkaǵa jiberilgeni habarlanbady. Eske salaıyq, Aıdos Rysbaev 2023 jyldyń 16 qarashasynda vıse-mınıstr qyzmetine taǵaıyndalǵan bolatyn. Ol uıymdasqan qylmyspen kúreske jaýapty bolǵan.

Talǵarda 16 jastaǵy Sherzat Bolattyń óliminen keıin qoǵamda qylmystyq toptar taqyryby qyzý talqylanýda. Polısııa «Hýtor» qylmystyq tobynyń bar ekenin joqqa shyǵarýda (eń bolmaǵanda, olar ondaı topty bilmeıtinin aıtady), osy top músheleri Sherzattyń ólimine qatysy bar degen kúdikke ilingen.