Foto: Almaty oblysy ákiminiń baspasóz qyzmeti
Almaty oblysynda «Ustaz aty – bıik ári máńgilik» atty aýdandyq merekelik is-shara ótti. Bul shara ustazdardyń qoǵamdaǵy rólin qurmetteý jáne olardyń qajyrly eńbegin moıyndaý maqsatynda uıymdastyryldy.
Shonjyda ótken is-shara barysynda úzdik pedagogter túrli marapattarǵa ıe boldy. Qazaqstan Respýblıkasy Oqý-aǵartý mınıstrliginiń «Ybyraı Altynsarın» tósbelgisimen 6 pedagog, Qurmet gramotasymen 20 pedagog, mınıstrliktiń Alǵys hatymen 61 pedagog marapattaldy. Sonymen qatar, “Eńbek ardageri” medalimen 3 pedagogtyń uzaq jylǵy eńbegi baǵalanyp, olarǵa erekshe qurmet kórsetildi.
Almaty oblysy bilim basqarmasy basshysynyń Qurmet gramotasymen 81 pedagog marapattaldy. Aýdan ákiminiń atynan 18 pedagogqa alǵys hat tabystalyp, óz salasynda ozyq nátıje kórsetken 100 pedagogtyń eńbegi eskerildi.
Sharaǵa arnaıy qatysqan qonaqtardyń qatarynda “О́rleý” Biliktilikti Arttyrý Ulttyq Ortalyǵy” AQ fılıalynyń Almaty oblysy boıynsha kásibı damý ınstıtýty dırektorynyń orynbasary, PhD doktory Masımova Hýrshıdam Tashbolatovna, aýdan ákimi Eleýsizova Bota Serikqyzy jáne qoǵam belsendileri boldy. Qonaqtar ustazdarǵa alǵys bildirip, olardyń bilim berý salasyna qosqan úlesin erekshe atap ótti.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir