Ulttyq qorǵa salatynymyzdan, alatynymyz kóp – Súleımenov

Qyrkúıek aıynyń qorytyndysy boıynsha Qazaqstannyń jalpy halyqaralyq rezervteri rekordtyq 107,2 mlrd dollarǵa jetti. Ulttyq banktiń altyn-valıýta rezervteri jyl basynan rekordtyq mán – 44,5 mlrd dollarǵa nemese 23,6%-ǵa ulǵaıdy. Ulttyq qordyń aktıvteri jyl basynan 4,5 paıyzǵa ulǵaıyp, 62,7 mlrd dollar boldy. Ulttyq qordyń túsimderi men alymdarynyń balansy teris qalyptasyp keledi. Iаǵnı alymdar túsimderden asyp jatyr. Bul jaǵdaıda qor qarajatynyń ósimin qoldap turǵan jalǵyz faktor – ınvestısııalyq tabys. Ol 9 aıda 10,27%, ıaǵnı 6,16 mlrd dollarǵa jetti, - dedi Tımýr Súleımenov.

Ulttyq bank basshysy qyrkúıekte teńgeniń aıyrbastaý baǵamy 1 dollar úshin 481,11 teńgege deıin, ıaǵnı 0,1%-ǵa azdap nyǵaıǵanyn aıtady. Alaıda, jyldyń basynan beri 5,8%-ǵa álsiregen.

Transfertterdi qamtamasyz etý úshin qyrkúıekte Ulttyq qordan respýblıkalyq bıýdjetke 945 mln dollar valıýta satý teńgege qoldaý kórsetti. Sondaı-aq, Ulttyq banktiń «Qazatomónerkásip» AQ aksııalaryn satyp alýynyń valıýta naryǵyna yqtımal teris áserin teńestirý aıasynda biz 241,5 mln dollaryn sattyq, - dedi Súleımenov.