«Ustazdy ulyqtaý – úlken mártebe»: Abaı oblysynyń pedagogteri kásibı mereke kúni ulyqtaldy

Abaı oblysynda ustazdar kúnine arnalǵan «Ustazdy ulyqtaý – úlken mártebe» atty saltanatty jıyn ótti. Is-sharanyń maqsaty – ustazdyń qoǵamdaǵy bedelin arttyrý. Sharaǵa oblys ákimi Nurlan Uranhaev, oblystyq máslıhattyń tóraǵasy Qýanysh Súleımenov, Qazaqstandyq Ǵylym jáne joǵary bilim qyzmetkerleriniń kásipodaǵy fılıalynyń tóraǵasy, ardager ustazdar qatysty.

«Sapaly bilim, sanaly tárbıeni ushtastyryp, urpaqqa bilim bergen muǵalim mamandyǵy qaı kezde de uly qurmetke laıyqty! Memleket basshysy Qasym-Jomart Kemeluly Toqaevtyń tikeleı tapsyrmasymen «Ustaz mártebesi» aıqyndalyp, tórge ozdy. Zamanaýı bilim júıesi damyp, pedagogterdiń kásibı turǵydan kemeldenýine barlyq jaǵdaı jasalýda. Mektep bazasy kúnnen-kúnge nyǵaıyp keledi. Ustaz mártebesi men ulaǵatyn saqtap qalǵan barsha pedagogterge rızashylyǵym men alǵysymdy bildiremin!», - dedi aımaq basshysy óz quttyqtaýynda.
О́ńir basshysy oblys muǵalimderiniń respýblıkalyq jáne halyqaralyq deńgeıdegi joǵary jetistikterin de atap ótti. Olardyń qatarynda «Úzdik pedagog – 2024» ataǵyna ıe bolǵan Jadyra Tóleýqońyr men Shynar Baıahmetova, respýblıkalyq kásiptik sheberlik baıqaýynda 1-oryn alǵan Gúlnaz Mavlıtaeva, «EmiratesSkills 2024», «WorldSkills Lyon 2024» chempıonattarynyń jeńimpazdaryn daıyndaǵan Kúlpan Túsipbaeva bar. Sonymen qatar halyqaralyq robototehnıka baıqaýynyń jeńimpazyn daıyndaǵan Borodýlıha aýdany «Abaı atyndaǵy orta mektebi» ınformatıka pániniń muǵalimi Galına Nıkolaevna, «Mektepke deıingi uıymnyń úzdik tárbıeshisi» respýblıkalyq baıqaýynyń Bas júlde ıegeri «О́rleý» balabaqshasynyń tárbıeshisi Irına Bocharovalar bar. Bul esimderdiń qatarynda «Eńbek eri» ataǵyna ıe bolǵan «№7 orta mektep lıseıiniń» matematıka pániniń muǵalimi Alma Shúkijanova da bar.

Merekelik sharaǵa oblystan 500-ge jýyq ustaz qatysty. Úzdikter Qazaqstan Respýblıkasy Oqý-aǵartý mınıstrligini tósbelgileri, Abaı oblysy ákiminiń, oblystyq bilim basqarmasynyń gramotalarymen marapattaldy. Merekeniń kórkin «Mereıli ustaz» konserttik baǵdarlamasy asha tústi.

Búginde Abaı oblysynyń bilim berý salasynda birqatar oń ózgerister júzege asýda. «Jaıly mektep» jobasy aıasynda 2025 jylǵa deıin 11 jańa mektep ashý josparlanýda. Oblys ortalyǵynda kópsalaly Oqýshylar saraıynyń qurylysy bastaldy.