Ulttyq statıstıka bıýrosynyń málimeti boıynsha, saýalnama 13-15 kún ishinde ótkiziledi, dep habarlady Ulysmedia.kz saıty.
Statıstıkasy departamentiniń ulttyq sanaq ótkizý basqarmasynyń basshysy Ásel Sársekova brıfıng barysynda Qazaqstanda pılottyq aýyl sharýashylyǵy sanaǵy ótkiziletinin habarlady.
“Negizgi saýalnamany aýmaqtyq bólimshelerdiń qyzmetkerleri júrgizetin bolady. Biz pılottyq jobaǵa suhbat alýshylardy tartpaımyz, saýalnamany óz kúshimizben júrgizemiz. Saýalnama qalalyq jerlerde 13 kún ishinde, aýyldyq jerlerde 15 kún ishinde júrgiziletin bolady", - dedi ol.
Sanaq 2025 jyldyń 1 tamyzynan 20 qazanyna deıin ótkiziledi. 2025 jyldyń 15 mamyrynan maýsym aıyna deıin qalalyq jerlerde saıajaılar men baqsha ýchaskeleri boıynsha aldyn ala aralaý josparlanǵan.
"1-31 tamyz aralyǵynda onlaın-sanaq bolady: respondentter saıtta sanaq paraqtaryn óz betinshe toltyra alady. Sodan keıin 20 kún ishinde derekterdi óńdeý boıynsha jumys júrgiziletin bolady", - dedi ol.
Odan ári - 20 qyrkúıekten 20 qazanǵa deıin - úı sharýashylyqtarynan saýalnama alynady.
Pikir qaldyrý
pikir