Arystanbek Muhamedıulyna tıesili sport mektebi memleketke qaıtaryldy

Burynǵy mádenıet mınıstri Arystanbek Muhamedıulyna tıesili sý jáne qoldanbaly sport túrleri boıynsha respýblıkalyq joǵary sport sheberligi mektebi memleketke qaıtaryldy. Bilim berý mekemesiniń quny 1,2 mlrd teńgeni quraıdy. Bul týraly Almaty qalasynyń prokýratýrasy málimdedi.  

"17 shilde kúni Almaty qalasynyń Mamandandyrylǵan aýdanaralyq ekonomıkalyq sotynyń sý jáne qoldanbaly sport túrleri boıynsha Respýblıkalyq joǵary sport sheberligi mektebin satý jónindegi mámileni jaramsyz dep taný týraly sheshimi zańdy kúshine endi. Cotta nysannyń naryqtyq qunyn 551 mln teńgege tómendetilgeni anyqtaldy" - delingen resmı habarlamada. 

7,6 myń m2 quraıtyn ákimshilik ǵımarattardyń, sport zaldary men basqa da qurylystardyń, sondaı-aq 4,9 ga aýmaqty alyp jatqan mektep múlkine Muhamedıulymen affılıırlengen tulǵalarǵa tıesili Nomad's Land JShS ıelik etken. 

Aıta keteıik, burynǵy mádenıet mınıstri Arystanbek Muhamedıuly bıýdjet aqshasyn jymqyrǵany úshin 8 jylǵa, keıinnen qosymsha 3 jyl qosylyp, jalpy 11 jylǵa bas bostandyǵynan aıyrylǵan bolatyn.