Tarazda ortaǵasyrlyq úlgidegi qamal salynyp jatyr

Tarazda ortaǵasyrlyq úlgidegi qamal salynyp jatyr. «Ejelgi bekinis» dep atalǵan jobany júzege asyrýǵa qalalyq qazynadan 656 mln teńge bólingen. 

Bekinis «Tekturmas» tarıhı-mádenı keshen aýmaǵyndaǵy 2 gektar jerde bolady. Qamal syrty taý tasymen qaptalady. Al qorǵannyń qabyrǵasy 12, eni 2,5 metr. Munda amfıteatrdan bólek, qolónershiler ortalyǵy salynyp, tarıhı ınstallıasııalar qoıylmaq. Jergilikti bılik qurylysqa salynǵan qyrýar qarjyny týrıster arqyly aqtap alatynyna senimdi.

– 50 paıyz jumys qalyp otyr, qyrkúıektiń aıaǵy, qazanǵa deıin aıaqtaýy tıis. Amfıteatrǵa 400 adamnan asa syıady. Qandaı da bir is-shara ótkizetin alań bolady, – dedi qala ákiminiń orynbasary Qaırat Ismaıl.