• USD 468.56

  • EUR 497.56

  • RUB 7.3

  • CNY 67.18

24 Sáýir, 23:04:49
Almaty
+35°

22 Aqpan, 2024 Barlyq aımaqtar

"Djýnglıdiń ishinde júrmiz". Taılandta quldyqta bolǵan eki qyz qutqaryldy

Syrtqy ister mınıstrligi Taılandta quldyqta bolǵan eki qyzdyń aman-esen qutqarylǵanyn habarlady. Kelesi tarap ár adamnyń basyna 10 myń dollar aqsha suraǵan.

Ashyq derekkózden alyndy

Mınıstrliktiń dereginshe, qazirgi tańda Ońtústik Shyǵys Azııa elderinde 100-ge jýyq qazaqstandyqtar quldyqta júr. Sońǵy eki jylda Taılandpen shekaralas ornalasqan Mıanma, Laosta 200-ge jýyq otandasymyz tánin saýdalaýǵa, erkinen tys qara jumysqa jegilgen. Sol jaqtaǵy dıplomattarymyzdyń kómegimen Mıanma men Loas aýmaǵynan 28 qazaqstandyq shyǵarylypty. Taǵy 60-qa jýyq otandasymyz elshilikke júginbeı, óz kúshimen elge oralǵan, dep habarlaıdy KTK telearnasy.

"Qańtardyń sońynda Taılandaǵy konsýldyqqa «Men Qazaqstannyń azamatymyn, djýnglıdiń ishindemin, qaı memleket ekenin bilmeımin... Jumys babymen quldyqqa túsip qaldym, kómektesińizder» degen habarlama tústi. Sóıtsek, bizdiń eki azamatymyz aldanyp, «altyn úshburyshta» quldyqqa túsip qalǵan. Qyzyǵy, ekeýiniń de joǵary bilimi bar, birneshe til biledi. Olar ınternettegi habarlamany kórip Taılandqa barǵan ǵoı, jumys isteýge. Ár adamnyń basyna 10 myń dollardan aqsha suraǵan. Jergilikti bılikpen qosylyp eki qyzdy qutqardyq. Qazir Qazaqstanǵa ushaqpen ushyp kele jatyr", deıdi QR SIM resmı ókili Aıbek Smadııarov.

"Qamshy" silteıdi
Ilmek sózder: Taıland quldyq SIM

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir