Maqsat Tolyqbaı: Memlekettik BAQ úkimetti ashyq synaı almaı otyr

• Kóptegen aqparat quraldary áli kúnge deıin mınıstrlik úkimetti ashyq synaı almaı otyr. Buny ashyq aıtýymyz kerek. Áıtpegende, elimizdegi saıası oqıǵalar men jemqorlyqqa qatysty Memlekettik aqparat quraldarynyń tereńirek materıaldardy zertteýge, jazýǵa shamasy jetpeıdi emes, jetedi. Biraq bul jerde senzýra bar. Biz osy senzýrany, qol baılaýdy toqtatýymyz kerek. Naqty lotpen jazylýy tıis. Sol kezde basqa táýelsiz aqparat quraldary da qatysa alady. Básekelestik te bolady. Buqaralyq aqparattyq alańda dál qazir biz jeńilip jatyrmyz. Osy jerde kelispeıtin, eń daýly másele – press karta. Osyǵan toqtalýymyz kerek. Iаǵnı, press-kartany alýyń úshin «Sen jýrnalıstıkany bitirýiń kerek» degen shart bar. Bizde jýrnalıstıka fakýltetin bitirmeı-aq úlken aqparat quraldarynda redaktor bolyp otyrǵan qanshama múıizi qaraǵaıdaı jýrnalıster otyr. Olardy qaıtemiz? Qansha degenmen, bul mınıstrliktiń janynan quralady. Iаǵnı, erteń sheneýnikterge yńǵaısyz suraq qoıǵan áriptesterimiz erteń qýdalaýǵa ushyrap júrmeı ma?

Sondaı-aq depýtat elimizdegi BAQ-ty Túrkııanyń aqparat quraldarymen salystyrýdyń qısyynsyz ekenin aıtady.

- Bizde Túrkııanyń tájirıbesi kóp aıtylady. Túrkııa sóz bostandyǵy jaǵynan reıtıngisi Qazaqstannan áldeqaıda tómen. Endeshe, biz sóz bostandyǵy tómen elden úlgi alatynymyzdaı basymyzǵa ne kún týdy? Sondyqtan bul jerde alalaý bar sekildi. Olaı bolsa, eger de keremet júıe bolatyn bolsa, ony balama túrde qaldyra berińder. Al akkrıdıtasııa qalsyn. Jýrnalısterge unap jatsa, erikti túrde ózderi tańdaýyna múmkindik bolsyn, – deıdi Maqsat Tolyqbaı.