• USD 468.56

  • EUR 497.56

  • RUB 7.3

  • CNY 67.18

25 Aqpan, 13:15:34
Almaty
+35°

Májilis tóraǵasy Erlan Qoshanov resmı saparmen О́zbekstan Respýblıkasyna bardy. Tashkentte О́zbekstan Olıı Májilisiniń Zań shyǵarý palatasy men Qazaqstan Parlamenti Májilisiniń arasyndaǵy parlamentaralyq yntymaqtastyq keńesiniń birinshi otyrysy ótti.

Parlamentaralyq yntymaqtastyq keńesin qurý týraly sheshim О́zbekstan Prezıdenti Shavkat Mırzııoevtiń 2021 jylǵy jeltoqsandaǵy Astanaǵa memlekettik sapary barysynda qabyldanǵan edi. Bul – eki el parlamentteri arasyndaǵy ózara yqpaldastyqtyń tyń jáne jetildirilgen formaty.

Ssd

– Bizdiń prezıdentterimiz Qasym-Jomart Toqaev pen Shavkat Mırzııoevtiń jeke kelisimderiniń arqasynda eki eldiń yntymaqtastyǵy odaqtastyqtyń jańa deńgeıine kóterildi. Bul – Qazaqstan men О́zbekstan arasyndaǵy qarym-qatynastyń jańa kezeńi. Al memleket basshylary barlyq kelisimniń joǵary deńgeıde ýaqtyly ári durys oryndalýyna parlamenttik baqylaý jasaýdy Parlamentaralyq yntymaqtastyq keńesine júktedi, – dedi Májilis spıkeri.

​​​Otyrys barysynda eki el depýtattary saýda-ekonomıkalyq, kólik, agrarlyq, mádenı-gýmanıtarlyq salalardaǵy yntymaqtastyqty jáne sý dıplomatııasy máselelerin talqylady.

Mshsh

​​​Erlan Qoshanov О́zbekstan Qazaqstannyń óńirdegi eń iri ekonomıkalyq seriktesi ekenin atap ótti. Ortalyq Azııa elderimen taýar aınalymy jalpy kóleminiń 62,5 paıyzdan astamy osy elge tıesili. 2022 jyldyń qorytyndysy boıynsha Qazaqstan men О́zbekstan arasyndaǵy saýda-sattyq rekordtyq 5 mlrd AQSh dollaryna jetti. Eki el úkimetteriniń aldynda bul kórsetkishti 10 mlrd dollarǵa deıin arttyrý mindeti tur.

​​ «Ortalyq Azııa» halyqaralyq ónerkásiptik kooperasııa ortalyǵynyń qurylysy – keleshegi zor birlesken jobalardyń biri. Ony óńirdegi iri saýda-ónerkásiptik habqa aınaldyrý kózdelip otyr.

О́kshsha

​​​Sondaı-aq Qazaqstan parlamentshileri О́zbekstannyń «Mazarı-Sharıf – Kabýl – Peshavar» temirjolyn jáne «Belarýs – Reseı – Qazaqstan – О́zbekstan – Aýǵanstan – Pákistan» mýltımodaldi dálizin salý arqyly transaýǵan dálizin damytý jónindegi bastamalaryna qoldaý bildirdi.

Kún tártibindegi mańyzdy máseleniń biri – Transshekaralyq sý nysandaryn birlesip basqarý jáne tıimdi paıdalaný týraly úkimetaralyq kelisimdi kelisý rásimin jáne Ortalyq Azııa elderiniń halyqaralyq sý-energetıka konsorsıýmyn qurý múmkindigin talqylaý boldy.

Kezdesý qorytyndysy boıynsha delegasııa basshylary Qazaqstan Parlamenti Májilisi men О́zbekstan Olıı Májilisiniń Zań shyǵarý palatasy arasyndaǵy parlamentaralyq yntymaqtastyq keńesi týraly erejege qol qoıdy. Parlamentaralyq yntymaqtastyq keńesi jylyna keminde bir ret turaqty túrde ótkizilip otyrady.

Sapar aıasynda Májilis tóraǵasy О́zbekstan Prezıdenti Shavkat Mırzııoevpenkezdesti. Erlan Qoshanov Memleket basshysy Qasym-Jomart Toqaevtyń sálemin jetkizip, eldegi irgeli ózgerister týraly aıtty. Májilis spıkeri О́zbekstan basshysyna Parlamentaralyq yntymaqtastyq keńesiniń birinshi otyrysynyń qorytyndylary men eki el parlamentteri arasyndaǵy ózara is-árekettiń qazirgi jaǵdaıy týraly málimet berdi. Sondaı-aq Respýblıka kúnin merekeleýge arnalǵan saltanatty jıynda Qazaqstan Prezıdentiniń halyqqa arnaǵan aýqymdy ıdeologııalyq úndeýine erekshe nazar aýdardy.Onda memlekettiń júrip ótken jolyna obektıvti de tarıhı baǵa berildi.

Búginde Qazaqstan damýdyń jańa kezeńin ótkerýde. Onyń dińgegi – zań jáne quqyq ústemdigi. Prezıdentimiz ustanyp otyrǵan basty basymdyq – ishki saıası turaqtylyq pen jalpyulttyq birlikti saqtaý. Sonymen qatar elimizde júzege asyrylyp jatqan aýqymdy reformalardyń mańyzdy maqsaty – árbir azamattyń ál-aýqatyn arttyrý. Biz syndarly syrtqy saıasatqa basa mán beremiz. Onda О́zbekstanmen odaqtastyq qatynastarǵa erekshe kóńil bólinýde. Bul jaıt óńirdegi turaqtylyq pen qaýipsizdikti nyǵaıtady, – dedi Májilis spıkeri.

Sondaı-aq О́zbekstan Senatynyń tóraǵasy Tanzıla Narbaevamen jáne Olıı Májilisi Zań shyǵarý palatasynyń spıkeri Nýrıddın Ismoılovpen kezdesýler ótti.Onda taraptar komıtetterdegi, dostyq toptaryndaǵy jáne basqa da alańdardaǵy parlamentaralyq qatynastardyń keleshegin talqylady. Qazirgi ýaqytta Olıı Májilis depýtattary el zańnamasyn jańa Konstıtýsııaǵa sáıkestendirýmen aınalysyp jatyr. Bul oraıda Erlan Qoshanov Qazaqstannyń tájirıbesin bólisýge daıyn ekenin jetkizdi.

Sapar aıasynda Májilis delegasııasy Tashkent pen Samarqandtaǵy kórnekti tarıhı oryndardy aralady.

"Qamshy" silteıdi
Ilmek sózder: Erlan Qoshanov

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir