“Ýaqytty keri qaıtarý“ petısııasy: Másele nege referendýmda qaralmady?

Premer-mınıstrdiń orynbasary mundaı másele jalpy talqylaýdy qajet etpegenin aıtty.

- Úkimet qandaı da bir sheshim qabyldaǵan kezde, sheshim qabyldaýdyń belgili bir erejesi bar, ol mindetti túrde memlekettik referendým ótkize berýi kerek emes. Bul úshin alqaly organ bar. Bul jaǵdaıda sheshim qabyldaǵanǵa deıin qajetti zertteýler júrgizilip, sheshim qabyldandy. Osydan keıin reglament aıasynda ótinish kelip tústi, ol belgilengen tártipte qaraldy, barlyq oń jáne teris jaqtary tıisti toptarda qaraldym, - dedi Jumanǵarın úkimet otyrysynda.

Onyń aıtýynsha, sońǵy sheshim qabyldanǵan.

- Bul jaǵdaıdy qysqa merzimdi emes, orta merzimdi perspektıvada zertteıik, bul is júzinde áser ete me álde áser etpeı me. Qazir bul máseleni kóterip, qaıta túsinikteme berýge Úkimettiń nıeti joq. Eger reglamentten aýytqı beretin bolsaq.. Sheshim boldy, petısııa boldy, petısııa qaraldy, sheshim rastaldy, meniń oıymsha, osymen toqtalý kerek, - dep túıindedi premer-mınıstrdiń orynbasary.