Qurmetti ataqtar qataryna alǵash ret "Qazaqstannyń eńbek sińirgen dárigeri" qosyldy

Ulttyq mereke – Respýblıka kúni qarsańynda Prezıdent Qasym-Jomart Toqaevtyń Jarlyǵymen elimizdiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqty nyǵaıtýǵa qosqan eleýli úlesi men belsendi qoǵamdyq qyzmeti úshin bir top azamat memlekettik nagradalarmen marapattaldy.
Bıyldan bastap qurmetti ataqtar qataryna «Qazaqstannyń eńbek sińirgen dárigeri» ataǵy qosyldy. Osyǵan oraı «Ulttyq ǵylymı medısınalyq ortalyǵy» aksıonerlik qoǵamynyń bas dırektory A.Baıgenjın, «Ulttyq ǵylymı onkologııa ortalyǵy» jaýapkershiligi shekteýli seriktestigi gematologııa ortalyǵynyń basshysy V.Kemaıkın jáne Qaraǵandy oblystyq klınıkalyq aýrýhanasynyń dárigeri B.Shaı jańa qurmetti ataqtyń alǵashqy ıegerleri atandy.