Jyldamdyǵy kúshti ınternetti qosý úshin 1 mlrd dollar qajet

"Qazaqtelekom" basshysy Baǵdat Mýsın "Kursiv Ecosystems Forum - 2024: Sıfrlyq ekojúıelerdiń bolashaǵy" forýmynda osylaı dep málimdedi. Onyń aıtýynsha, qazirgi ýaqytta elimizde optıkalyq talshyq qosylǵan 800 myń páter men úı, taǵy 1 mıllıon nysanda mys jelilik kabeli bar. Sol 1 mıllıon nysandy jańa tehnologııalyq jabdyqqa kóshirý kózdelgen. Jáne onyń boljamynsha, buǵan 3,5 jyl ýaqyt ketedtin kórinedi.

Sonymen qatar Mýsın "Qazaqtelekomnyń" Wi-Fi jabdyǵy 580 myń úıdi qajetti ınternet jyldamdyǵyn qamtamasyz ete almaı otyrǵanyn moıyndady.

Bastapqyda optıkalyq ınternet paıdalanýshylarǵa keminde 512 Mbıt/s jyldamdyqpen jetkiziledi. Biraq jabdyqtyń nasharlyǵynan telefondaǵy jyldamdyq 25 ese tómendep, shamamen 20 MBıt/s bolatynyn atap ótti.