Ulytaýdaǵy janarmaı tapshylyǵy: Qosymsha 24 vagon benzın jetkizilmek

Mınıstrliktiń Ulytaý oblysy boıynsha taratqan málimetine qaraǵanda, óńirdegi janar-jaǵarmaı qorlary, máselen AI-92 – 0,72 myń tonna nemese 10 kúnge jetedi. Al AI-95 markaly benzınen– 0,13 myń tonna qalǵan bul shamamen 8 kúnge jetedi dep eseptelgen. Dızel otyny – 3,06 myń tonnany quraıdy nemese 14 kúnge jetetin qor.

О́ńirdegi Helios janarmaı stansasynyń jelilerinde benzın shekteýsiz satylyp jatyr, tek keıbir jerlerde talondar boıynsha jiberilýde

«Ulytaý oblysyna AI-92 kóleminde 1400 tonna nemese 24 vagon janarmaı jetkizilýde (Petroretail, S-Munaı, Berkýt). Bul óńir úshin 2 aptalyq qor. Atalǵan kólemdegi janarmaı 1-1,5 táýlik ishinde jetkiziledi», - delingen mınıstrlik habarlamasynda.

Sonymen qatar aıta ketsek, búgin Ulytaý oblysynyń ákimi Dastan Ryspekovtiń tóraǵalyǵymen apparat jıyny ótti. О́ńir basshysy oblystaǵy keı janar-jaǵarmaı beketterinde ýaqytsha oryn alǵan otyn tapshylyǵyna qatysty qysqa merzim ishinde tıisti máselelerdi sheshý mindetin júktedi. Sondaı-aq kásipkerlik jáne ónerkásip basqarmasyna quzyrly organdarmen birlesip, janar-jaǵarmaı boıynsha jasandy dúrbeleń týyndaǵan jaǵdaıda qoldanystaǵy zańnamaǵa sáıkes qajetti sharalardy qabyldaý tapsyryldy.