10 Shilde, 2024 NEWS
Túrki elderi ortaq Keden Odaǵyn qurýǵa qadam jasady
Ázerbaıjanda, Karabah taýynyń etegindegi Shýsha qalasynda ótken TMU beıresmı sammıti túrki áleminiń dáýiri týǵanyn pash etti.
Foto: ashyq derekkózden
Túrki memleketteri uıymynyń (TMU) beıresmı sammıtinde Qasym-Jomart Toqaev "Túrki dáýiriniń" kúsh alyp, qýattana túskenin aıtty.
"Uıymnyń halyqaralyq mártebesin arttyrýǵa kúsh salamyz! Bul rette "TURKTIME!" urany aıasynda yqpaldastyqty keńeıtýdi jalǵastyramyz. Buǵan deıin 40-qa jýyq is-shara ótkizdik. Elderimiz arasyndaǵy baılanystyń jańa tetikteri paıda boldy. Bul – áleýmettik saıasat, quqyq qorǵaý, bilim, tehnologııa, ınnovasııa jáne ónerkásip sııaqty salalar. Sondaı-aq Astanada, qyrkúıek aıynda 5-shi Dúnıejúzilik kóshpendiler oıyndary ótedi. Bul – túrki mádenıetin keńinen dáripteıtin mańyzdy is-shara", – degen Qazaqstan Prezıdenti barlyq túbi bir túrki elderiniń kóshbasshylaryn aldaǵy qyrkúıekte Astanada kezdesýge shaqyrdy.
Aıta ketý kerek, qazirgi kezde Túrki memleketteri uıymynyń (TMU) tóraǵasy – Qazaqstan. "TURKTIME!" degen urandy da osy tóraǵalyq aıasynda, byltyr Qazaqstan usynǵan bolatyn.
2023 jylǵy 3 qarashada, elordada ótken Túrki memleketteri uıymynyń X cammıtinde Qasym-Jomart Toqaev túrki halyqtarynyń qasıetti qara shańyraǵy – Qazaqstanda túrki dáýiriniń órleýi kezeńin jarııalady. Tıisinshe, ol Qazaqstannyń uıymǵa tóraǵalyǵy "Túrki dáýiri!", ıaǵnı "TURKTIME!" uranymen ótetinin málimdedi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir