04 Shilde, 2024 NEWS
Atyraý oblysynda 60-tan asa túıe qyrylyp qaldy
Qaraqurt shaǵyp alǵannan keıin qyrylǵan 63 túıeden bólek, taǵy 400-ge jýyq malǵa jándiktiń zııany tıgen
Foto: ashyq derekkózden
Atyraý oblysynyń aýyl sharýashylyǵy basqarmasy ýly jándikter Inder, Isataı jáne Qurmanǵazy aýdandarynyń qumdy ýchaskelerinde kóbeıgenin rastady.
Osy aýdandarda qaraqurttyń ýynan 397 túıe aýyryp qalǵan.
– Shaqqan maldy emdeý, ótemaqy bıýdjetke engizilmegen. Degenmen, jergilikti veterınarlar emdeýdi jalǵastyryp jatyr. Sondaı-aq aýrý jáne ólgen janýarlardan synamalar alynyp, oblystyq veterınarııalyq zerthanaǵa jiberildi, - delingen basqarma habarlasynda.
Sonymen qatar, sheneýnikter mal ıelerine ýly jándikter jıi kezdesetin jaıylymdarda túıelerdi, jylqylardy jáne sıyrlardy jaıýdan bas tartýǵa jáne aýrý belgileri bar janýarlar týraly jedel habarlaýǵa keńes beredi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir