• USD 468.56

  • EUR 497.56

  • RUB 7.3

  • CNY 67.18

25 Shilde, 13:50:33
Almaty
+35°

Almaty oblysynda buqaralyq sport qarqyndy damyp keledi: birinshi oblystyq fýtbol týrnıriniń qorytyndysy jasaldy. 

Ile aýdany Almaty oblysy ákiminiń kýbogy úshin fýtboldan birinshi oblystyq týrnırdiń arenasyna aınaldy. Saıysqa oblystyń barlyq aýdandary men Qonaev qalasynan 10 komanda qatysty.

Jarystyń saltanatty ashylý rásiminde Almaty oblysynyń ákimi Marat Sultanǵazıev sóz sóıledi. Ol Memleket basshysy Qasym-Jomart Toqaevtyń tapsyrmasy boıynsha oblysta buqaralyq sportty damytý úshin barlyq jaǵdaı jasalyp jatqanyn atap ótti.

> "Bizdiń oblysta fýtbol joǵary deńgeıde damyp keledi. Bir jarym jyl buryn oblys ortalyǵynda ár aýdanynda fılıaldary bar bolashaq kásibı fýtbolshylardy daıyndaıtyn arnaıy balalar men jasóspirimder sport mektebi ashyldy. Sondaı-aq bizde Qazaqstannyń ekinshi lıgasynda oblystyń namysyn qorǵaıtyn "Ile-Alataý" kásibı klýby paıda boldy, - dedi oblys basshysy.

M.Sultanǵazıevtiń aıtýynsha, oblysta zamanaýı sporttyq nysandar salynyp, materıaldyq-tehnıkalyq baza jańartylýda. "Búgingi tańda oblystyń ár aýdanynda 10 dene shynyqtyrý-saýyqtyrý kesheni jumys isteıdi", - dep tolyqtyrdy sózin oblys ákimi.

Ákim týrnır qatysýshylaryna sáttilik pen jarqyn jeńister tiledi.

"Sporttyq jarystar minezdi shyńdaıdy, komandalyq rýh pen maqsat qoıa bilýge tárbıeleıdi. Sizderdiń daıyndyqtaryńyzdyń joǵary deńgeıi men sporttyq sheberlikterińizdi kórsetetinińizge senimdimin!"

Týrnır olımpıadalyq júıe boıynsha (shyǵý arqyly) ótti. Fınalda Qonaev qalasynyń komandasy Kegen aýdanynyń oıynshylaryn jeńip, 1-oryndy ıelendi. Úshinshi oryndy Ile aýdanynyń ókilderi aldy.

Týrnır uıymdastyrýshylary fýtboldy jyl saıyn ótkizetin is-sharaǵa aınaldyryp, biriktirýshi faktor retindegi mańyzy zor ekenin tilge tıek etti.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir