Almaty tarıhı forýmǵa daıyndalyp jatyr

27-29 maýsym aralyǵynda Almatyda bıznes álemindegi osy jyldaǵy eń eleýli oqıǵasy – Almaty New Vision: Bıznes kúshi forýmy ótpek. Oǵan álemniń túkpir-túkpirinen 50-den astam jetekshi sarapshy men 1000-nan asa ınvestorlar kelmek.

Forýmdy Nobel Fest jáne Young Presidents Organization Kazakhstan (YPO) birlesip uıymdastyryp otyr. Uıymdastyrýshylar forým jaı ǵana is-shara emes, tájirıbe, qundy keńester men ınnovasııalyq ıdeıalar almasýdyń naǵyz alańyna aınalady dep otyr.

Is-shara aıasynda eń ózekti trendter men tendensııalar jaıly bıznes áleminiń tómendegideı juldyzdary óz oılaryn bólisedi:

• Rıchard Brenson – mıllıarder, vızıoner, Virgin Group kompanııasynyń negizin qalaýshy jáne bas dırektory.
• Djeff Hoffman – com/Booking.com, uBid.com teń quryltaıshysy, elektrondy kommersııa salasyndaǵy novator, jahandyq kásipker, mıllıardtyq korporasııalardyń bas dırektory.
• Braıan Treısı – ózin-ózi damytý boıynsha álemdegi eń tanymal sarapshy.
• Allan Pız – netvorkıng boıynsha álemdik sarapshy, «Dene tili» jahandyq bestselleriniń avtory.
• Joze Barrozý – Goldman Sachs’ International Advisors tóraǵasy, Portýgalııa Premer-Mınıstri (2002-2004), Eýropalyq komıssııanyń tóraǵasy (2004-2014).
• Djessıka Koks – motıvasııalyq spıker jáne laıf-koých. Gınness rekordtar kitabyna engen. Eki qoly joq bolyp dúnıege kelgen Djessıka ushaq basqarady, kólik júrgizedi, akvalangpen sýda súńgıdi, jekpe-jek ónerinde qara belbeý ıegeri.
• Vınıta Gýpta – ınnovasııalar boıynsha halyqaralyq sarapshy, AQSh-ta óz kompanııasyn IPO-ǵa sátti shyǵarǵan alǵashqy úndi áıeli.
• Aıdyn Rahymbaev – eldegi eń iri qurylys holdıngteriniń biri BI Group holdınginiń dırektorlar keńesiniń tóraǵasy.
• Tımýr Týrlov – qazaqstandyq kásipker jáne qarjyger, Freedom Holding Corp kompanııasynyń bas atqarýshy dırektory.
• Armanjan Baıtasov – belgili qazaqstandyq  medıa menedjer, kásibı jýrnalıst, Tan Media Group basshysy,  TRK «31 kanal» jáne Qazaqstandaǵy taǵy da basqa táýelsiz BAQ negizin qalaýshysy.

New Vision aıasynda túrli formattar qarastyrylǵan: paneldik sessııalar, vorkshoptar, kórme, tálimgerlik aımaǵy, ashyq pikirtalastar.

Bıyl forýmǵa Dımash Qudaıbergen qatyspaq. Álemge áıgili ánshi óziniń eń tanymal hıtteri men jańa ánderin oryndap, arnaıy baǵdarlama usynady.

50-den astam túrli sessııalarda sarapshylar jasandy ıntellekt álemindegi adamzattyń bolashaǵy, zamanaýı trendter men tehnologııalar, damý strategııalary, bıznesti ulǵaıtý, geosaıasat, megatrendter jáne olardyń álem bolashaǵyna áseri sııaqty taqyryptardy kóteredi.

Atalǵan sessııalar aıasynda forým qatysýshylaryna tómendegideı múmkindikter usynylady:

• Zamanaýı álemdegi bıznesti júrgizýdiń qıyndyqtary men múmkindikterin talqylaýǵa;
• Perspektıvti ınvestısııalyq múmkindikter men naryq trendteri týraly bilýge;
• Basqa kásipkerlermen tájirıbe almasý arqyly óz bıznesin damytý úshin keńes pen qoldaý alýǵa;
• Áriptesterińizben damý strategııalaryn talqylaý arqyly iskerlik qatynasty keńeıtýge jáne jańa seriktestikter tabýǵa;
• Bıznestegi tabysty kóshbasshylar men sarapshylardan shabyt pen motıvasııa alýǵa;
• Iri kompanııalardyń quryltaıshylarymen tanysyp, olardyń tabys qupııalaryn bilýge.

Qazaqstandaǵy sý tasqynyna baılanysty is-sharadan túsken tabystyń 50%-yn zardap shekken óńirlerge aýdarý týraly sheshim qabyldandy.

Osylaısha, forýmnyń árbir qatysýshy sý tasqynynan zardap shekkenderge kómek kórsetýge úles qosa alady.

Forým aıasynda kásipkerler ózderiniń jańa ónimderi men qyzmetterin naryqqa usynatyn jahandyq bıznes kórmesi ótedi. Budan bólek, startaptar úshin ınvestorlardyń nazaryn aýdarýǵa jáne bıznes-múmkindikterdi keńeıtýge qaıtalanbas múmkindik usynatyn pıtchıng-sessııalar uıymdastyrylady. 

Qatysýshalar sondaı-aq bıznestegi álemdik kóshbasshylarmen jabyq master klasstarǵa, vorkshoptarǵa jáne jahandyq YPO múshelerimen keshki astarǵa qatysa alady.

Bıletter men forým týraly jańalyqtar https://newvision.academy/ saıtynda.