• USD 468.56

  • EUR 497.56

  • RUB 7.3

  • CNY 67.18

25 Shilde, 14:04:55
Almaty
+35°

19 Maýsym, 2024 NEWS

Shymkenttik emshi jazadan sytylyp ketti

Ol asyrap alǵan balalarǵa ıt-mysyqtyń etin berip kelgen.

Foto: ashyq derekkózden alyndy

Shymkentte asyrap alǵan balalaryna qorlyq kórsetken emshi Ulyqbek Smanov psıhıkalyq aýytqýyna baılanysty qylmystyq jazadan qutylyp ketti.

Is Shymkent qalasynyń kámeletke tolmaǵandardyń isteri jónindegi mamandandyrylǵan aýdanaralyq sotynda qaralǵan. Oǵan qylmystyq kodekstiń 140-babynyń 2-bóligi (Kámeletke tolmaǵan adamdy tárbıeleý jónindegi mindetterdi oryndamaý), 110-babynyyń 2-bóliginiń 1,2-tarmaqtary (Qınaý) boıynsha aıyp taǵylǵan.

Sot-psıhıatrııalyq saraptama U.Smanov sozylmaly jáne psıhıkalyq aýrýmen aýyrady jáne óz is-áreketterin jasaý kezinde es-tússiz jaǵdaıda bolǵan degen qorytyndy shyǵarǵan. Qylmystyq kodekstiń 16-babyna (Esi durys emestik) sáıkes,  qoǵamǵa qaýipti is-áreketti jasaǵan ýaqytta esi durys emes kúıde bolǵan adam óziniń áreketteriniń (áreketsizdiginiń) is júzindegi sıpaty men qoǵamǵa qaýiptiligin uǵyna almaıdy, sáıkesinshe, qylmystyq jaýapkershilikten bosatylady.

Sot U.Smanovty qylmystyq jaýapkershilikten bosatyp, mamandandyrylǵan úlgidegi psıhıatrııalyq stasıonarda májbúrli túrde emdeý týraly sheshim shyǵardy.

Al balalardy psıhıkalyq aýrýmen aýyratyn adamnyń qamqorlyǵyna berý faktisi boıynsha Oqý-aǵartý mınıstrligine, Astana, Almaty jáne Shymkent qalalarynyń bilim basqarmalarynyń qorǵanshylyq jáne qamqorshylyq organdaryna, sondaı-aq Shymkent qalalyq Polısııa departamentine  jeke qaýly shyqqan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir