• USD 468.56

  • EUR 497.56

  • RUB 7.3

  • CNY 67.18

25 Shilde, 14:48:38
Almaty
+35°

14 Maýsym, 2024 NEWS

Qoǵam qaıratkeri Murat Áýezov qaıtys boldy

Ol qazaqtyń zańǵar jazýshysy — Muhtar Omarhanuly Áýezovtiń uly.

Foto: ashyq derekkózden

Mádenıettanýshy-ǵalym, dıplomat, memleket jáne qoǵam qaıratkeri Murat Áýezov 82 jasynda qaıtys boldy.

Aqparatty Almaty qalasy Mádenıet basqarmasy rastady.

Murat Áýezov 1943 jylǵy 1 qańtarda Jambyl oblysy Merki aýylynda dúnıege kelgen. Ol – qazaq ádebıetiniń kórnekti jazýshysy, dramatýrg, ǵalym, qazaqtyń tuńǵysh "Abaı joly" roman-epopeıasynyń avtory Muhtar Áýezovtiń uly.

Murat Áýezov 1965 jyly M.V. Lomonosov atyndaǵy Máskeý memlekettik ýnıversıtetiniń Shyǵys tilderi ınstıtýtyn fılolog-shyǵystanýshy mamandyǵy boıynsha bitirgen. Qazaqstan óz táýelsizdigin jarııalaǵan kezde eldi qurýǵa belsene qatysqan. Parlament depýtaty bolyp, ádebı zertteýlermen aınalysty, Qazaqstan Respýblıkasynyń Qytaı Halyq Respýblıkasyndaǵy tuńǵysh Elshisi qyzmetin atqardy.

Ol – kórkemdik prosestiń teorııasy men praktıkasy boıynsha 200-den astam jarııalanymnyń, sondaı-aq "Ýaqyt baılanystyrýshy - jip", "Ippokrena. Ýaqyt qudyqtaryna barý" jáne "Qaıtý úshin ketý" monografııalarynyń avtory.

Áýezov 2007 jyldan beri Muhtar Áýezov atyndaǵy qordy basqaryp keldi. 

"Qamshy" silteıdi
Ilmek sózder: Murat Áýezov

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir