• USD 468.56

  • EUR 497.56

  • RUB 7.3

  • CNY 67.18

25 Shilde, 14:33:19
Almaty
+35°

12 Maýsym, 2024 NEWS

Qazaqstan taǵy bir elmen vızasyz rejım engizbek

Qazaqstan men Marokko úkimetteri eki eldiń azamattaryn vızalyq talaptardan bosatý týraly kelisimdi qarastyryp jatyr. Tıisti qaýly jobasynyń qujaty "Ashyq NQA" portalynda jarııalandy.

Kórneki sýret

Qazaqstannyń Syrtqy ister mınıstrligi "Ashyq NQA" portalynda Qazaqstan Respýblıkasy men Marokko Koroldiginiń úkimetteri arasyndaǵy ulttyq/jalpyazamattyq pasporttardyń ıelerin vızalyq talaptardan bosatý boıynsha kelisimge qol qoıý týraly qaýly jobasyn qoǵamdyq talqylaýǵa jarııalaǵan.

Qosa berilgen qujatqa sáıkes, eki memlekettiń biriniń azamattary qoldanystaǵy ulttyq-jalpyazamattyq pasporttardyń negizinde ekinshi tarap memleketiniń aýmaǵyna vızasyz kirýge, shyǵýǵa, tranzıtke, elde ýaqytsha bolýǵa ruqsat etiledi, el aýmaǵynda bolý merziminiń uzaqtyǵy olar kelgen kúnnen bastap 180 kúnniń ishinde kúntizbelik 30 kúnnen aspaýǵa tıis.

"Bir Tarap memleketiniń azamattary ekinshi tarap memleketiniń aýmaǵyna halyqaralyq qatynastar arqyly saıahattaýshylarǵa arnalǵan ashyq pýnktter arqyly kirip-shyǵýǵa jáne ekinshi tarap memleketiniń zańnamasyn saqtaýǵa tıis", - delingen kelisimshart mátininde. Qaýly jobasy 25 maýsymǵa deıin qoǵamdyq talqylaýda bolady. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir