31 Qazan, 2024 NEWS
Ispanııada úsh kúndik aza tutý jarııalandy
Munda alapat tasqyn saldarynan 95 adam kóz jumǵan.
Kórneki sýret
Úkimet basshysy Karlos Mason aımaqtarda izdeý-qutqarý jumysy áli júrip jatqanyn aıtady. Sondyqtan qurbandar qatary áli ósýi múmkin.
Opat bolǵandardyń 82-si Valensııa provınsııasynyń turǵyndary. Joǵalǵandar da óte kóp. Tele jáne radıo stansalarǵa syrt álemnen oqshaýlanyp qalǵan júzdegen turǵyn habarlasyp jatyr. Qutqarý operasııasyna myńnan astam sarbaz ben tikushaq tartyldy. Ondaǵan myń adam jaryqsyz otyr.
Meteorolgtar jaýyn-shashyn búgin de jalǵasady dep eskertti. Ispanııa patshasy jaqynynan aıyrylǵandarǵa kóńil aıtty.
Qaıǵyly oqıǵaǵa baılanysty jaqynyn joǵaltqan barlyq otbasylarǵa kóńil aıtamyz. Kóptegen múlik qırady. Keıbir aımaqtarǵa áli jete almaı jatyrmyz. Sondyqtan alapat tasqynnyń zardabyn áli tolyq bilmeımiz. Premer-mınıstr jáne barlyq aımaq basshylarymen baılanystamyn. Barlyq sharalardy jasap jatyrmyz, - dedi Ispanııa patshasy Fılıpp VI.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir