Respýblıka kúni - eldigimizdi nyǵaıtatyn ulttyq mereke

Respýblıka kúni-eldigimizdi nyaıtatyn ulttyq mereke

Qazaqstan úshin 25 qazan – tarıhı ári mańyzdy kúnderdiń biri. Bul kún bizdiń táýelsiz memleketimizdiń qalyptasýynyń alǵashqy qadamdaryn eske salady. 1990 jyly dál osy kúni Qazaq KSR-iniń Joǵarǵy Keńesi Memlekettik egemendik týraly Deklarasııany qabyldady. Bul qujat Qazaqstannyń óz bıligin óz qolyna alýǵa, ishki jáne syrtqy saıasatty derbes júrgizýge umtylǵanyn kórsetti.
Ál-Farabı atyndaǵy Qazaq ulttyq ýnıversıtetiniń 90 jyldyq aıasynda Respýblıka kúnine uıymdastyrylǵan JOO-ǵa deıingi bilim berý fakýltetine bilim alýǵa kelgen qandas baýyrlarymyz ben ustazdar qaýymy «Atamekenge qosh keldiń» atty is-shara uıymdastyryp, tárbıelik máni óte joǵary is-shara ótkizdi.
Respýblıka kúni – tek tarıhı oqıǵa emes, ol eldiń birligi men egemendiginiń belgisi. Ár urpaq osy merekeni atap ótý arqyly táýelsizdik jolyndaǵy ata-babalarymyzdyń erligin eske alady jáne bolashaqqa nyq senimmen qaraıdy. Bizdiń elimiz kópultty memleket, sondyqtan bul mereke halyqtar arasyndaǵy dostyq pen tatýlyqty da dáripteıdi.
Qazaqstannyń damý joly jeńil bolǵan joq. Táýelsizdikke aparar jolda kóptegen qıyndyqtar men synaqtar kezdesti. Degenmen, halyqtyń qajyr-qaıraty men birliginiń arqasynda memleketimiz órkendep, damyp keledi. Búginde Qazaqstan álemdik qaýymdastyqta óz ornyn tapqan, beıbitshilik pen turaqtylyqty basty ustanym etken elge aınaldy.
25 qazan – jastar úshin de mańyzdy kún. Bizdiń, oqýshylar, bul merekeniń mánin túsinip, elimizdiń damýyna óz úlesterin qosatynyna senimdimiz. Tek sapaly bilim alyp, eńbekqor bolyp, elimizdiń bolashaǵy úshin aıanbaı eńbek etkende ǵana Qazaqstannyń keleshegi jarqyn bolady. Árqaısymyz óz isimizdi adal atqarsaq, memleketimizdiń bolashaǵy zor bolaryna senimimiz mol.
Qazaqstan atty uly Otanymyzdyń ıgiligi men órkendeýi úshin aıanbaı qyzmet etip, Táýelsizdigimizdiń tuǵyrly, egemendigimizdiń ǵumyrly bolýy úshin kúsh-jigerimizdi salyp, Otanymyzdyń jarqyn bolashaǵy jolynda eńbek etip jatqan barsha Qazaqstandyqtardy Respýblıka kúnimen shyn júrekten quttyqtaıtyndaryn jetkizdi. Sondaı-aq Atamekenge Monǵolııadan, Qytaıdan, О́zbekstannan, Túrkmenııadan t.b. kelgen qandas tyńdaýshylar elge degen saǵynyshyn bildirý maqsatynda «Kók týdyń jelbiregeni», ánin erekshe sezimmen oryndady.
Búgingi merekelik kúnde elimiz órkendep, jaınap, yntymaq-birligimiz ajyramasyn demekpiz. Mereke qutty bolsyn!
Respýblıka kúni – el tarıhyndaǵy mańyzdy betburys. Ol tek mereke emes, bizdiń egemendigimizdi, erkindigimizdi jáne ulttyq qundylyqtarymyzdy dáripteıtin kún. Bul kún bizdi maqtanysh sezimine bóleýmen qatar, eldiń bolashaǵy úshin jaýapkershilik sezinýge de shaqyrady. Elimiz aman, jurtymyz tynysh, táýelsizdigimiz máńgi bolsyn!

Ál-Farabı atyndaǵy QazUÝ,
JOO-ǵa deıingi daıyndyq kafedrasynyń
oqytýshylary: A.M.Kakenova, G.M.Mýjıgova