31 Qazan, 2024 NEWS
Qazaqstandyq taǵy bir kompanııa Reseıge taýar jetkizýge kómekteskeni úshin sanksııaǵa ilindi
AQSh-tyń qarjy mınıstrligi 17 eldiń 275 azamaty men kompanııasyna qarsy sanksııa saldy. Olardyń qatarynda Qazaqstan, О́zbekstan, Túrkııa, Shveısarııa, Qytaı, Úndistan jáne taǵy basqa elder bar. Qazaqstandyq Kazstanex kompanııasy da Reseıge jetkizilimge baılanysty sanksııalar tizimine endi.
Kórneki sýret
AQSh qarjy mınıstrligi Reseıge ozyq tehnologııalar men jabdyqtar jetkizýge qatysy bar 275 tulǵa men uıymǵa qarsy sanksııa saldy. Olardyń qatarynda qazaqstandyq Kazstanex kompanııasy da bar. Ol búkil álemdegi óndirýshilerden bildekterdi (stanok) jetkizedi.
Egov.kz málimetterine sensek, kompanııa 2014 jyly tirkelgen. Onyń negizin qalaýshy jáne birinshi dırektory – Vasılıı Abramov.
AQSh-tyń Qarjy mınıstrligi reseılik qorǵanys kompanııalaryna jabdyqtar men elektronıka jınaýǵa kómektesken Reseı, Qytaı, Úndistan, Shveısarııa, Taıland jáne Túrkııa sııaqty elderdegi zańdy tulǵalarǵa sanksııalar engizdi. Bul kompanııalardyń keıbiri qarý-jaraq pen oq-dári jetkizip, Reseıdiń qorǵanys ónerkásibine qajetti ónimderge tapsyrys bergen.
Sanksııa tiziminde Reseı, Belarýs, Qytaı, Úndistan, Túrkııa azamattary da bar. Olardyń arasynda Reseı qorǵanys mınıstriniń orynbasarlary Aleksandr Fomın, Pavel Fradkov jáne Vladımır Pýtınniń týysy dep aıtylatyn Anna Sıvıleva da bar.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir