Sport mektepteriniń basshylary bıýdjet aqshasyn oıynǵa salyp jibergen

Aqtóbe oblysy prokýratýrasymen balalar men jasóspirimder sport mektepteriniń basshylary bıýdjetke túsýge jatatyn sport alańdary men zaldardy jalǵa berý qyzmeti úshin, áýesqoı sport komandalarynan alynǵan qarajatty negizsiz jymqyrǵany anyqtaldy.

- Sońǵy 3 jylda Aqtóbe oblysynda kásibı klýbtardy damytýǵa arnalǵan shyǵystar 2 esege ulǵaıtylǵan, oblystan respýblıkalyq jáne halyqaralyq jarystarǵa daıyndalýǵa jáne qatysýǵa bıýdjetten 13 mlrd teńgeden astam qarjy bólingen. Sport mektepteriniń basshylarymen 6 mln teńgeden astam bıýdjet qarajattary zańsyz jumsalǵan, - delingen habarlamada.

Bul qarajattar mektep basshylarymen óz qajettilikterine, sonyń ishinde býkmekerlik keńselerdegi stavkalarǵa jumsalǵan.

Sonymen qatar, «Aqtóbe» fýtbol klýby komandasynyń ushýy boıynsha áýe qyzmetterin 165 mln teńgeden astam kóterilgen baǵamen birneshe deldal arqyly satyp alý faktileri anyqtaldy.

Oryn alǵan barlyq faktiler boıynsha prokýratýramen QK-tiń 189-babynyń 4-bóligimen (Senip tapsyrylǵan bóten múlikti ıemdenip alý nemese talan-tarajǵa salý) 3 sotqa deıingi tergep-tekserý bastaldy.

Sonymen qatar tekserý nátıjeleri Aqtóbe oblysynyń Zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi úılestirý keńesiniń otyrysynda qaralyp, jaýapty memlekettik organdarǵa buqaralyq sportty qarjylandyrý jaǵdaıyn túzetý, bıýdjet qarajatyn maqsatty jáne tıimdi paıdalaný tapsyryldy.