10 Qazan, 2024 NEWS
Ashhabadta Abaı eskertkishi saltanatty túrde ashyldy
Qazaqstan Prezıdenti men Túrikmenstan Halk Maslahatynyń tóraǵasy Ashhabad tórinde ultymyzdyń uly oıshyly Abaı Qunanbaıulyna arnalǵan eskertkishtiń ashylý rásimine qatysty. Bul týraly Aqordanyń baspasóz qyzmeti málim etti.
Foto: aqorda
Qasym-Jomart Toqaev Gýrbangýly Berdimuhamedov pen túrikmen halqyna Maqtymquly Pyraǵynyń 300 jyldyq mereıtoıyna oraı arnaıy shyǵarylǵan medalmen marapattaǵany úshin alǵys aıtty.
Sonymen qatar muny eki el arasyndaǵy ózara syı-qurmet pen dostyqtyń belgisi retinde qabyldaıtynyn jetkizdi.
Prezıdent saltanatty jıynda sóılegen sózinde bul eskertkishtiń ashylýyn túrikmen baýyrlardyń qazaq halqyna aıryqsha qurmetiniń kórinisi dep sanaıtynyn atap ótti.
– Búgin biz astanamyz Ashhabadtyń tamasha múıisinde ornalasqan ǵajap saıabaqta baýyrlas qazaq halqynyń uly aqyny, kórnekti mádenıet jáne óner qaıratkeri Abaı Qunanbaıulynyń eskertkishin ashý rásiminde bas qosyp otyrmyz. Barshańyzdy osy saltanatty sátpen shyn júrekten quttyqtaımyn! Túrikmen jáne qazaq halyqtary álemniń mádenı-rýhanı qazynasyna úlken úles qosty. Soǵan sáıkes, bul mádenı murany tyńǵylyqty zertteý, ony keńinen nasıhattaý jáne osy saladaǵy halyqaralyq áriptestikti damytý asa mańyzdy mindet bolyp sanalady, – dedi Gýrbangýly Berdimuhamedov.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir