10 Qazan, 2024 NEWS
Qazaqstanda AES bólip tóleý júıesimen salynbaq
Ulttyq ekonomıka vıse-mınıstri Arman Qasenov Qazaqstanda atom elektr stansııasy bólip tóleý júıesimen salynýy múmkin ekenin aıtty.
Kórneki sýret
Arman Qasenovtiń sózinshe, AES-ti kim salatyny áli belgilengen joq.
"Qazir ony kim salady, qaı elder salady degen sııaqty sheshim qabyldanǵan joq. Demek ony qalaı qarjylandyratyny týraly da aıtylmady. Atom elektr stansııasyn qarjylandyrýdyń bir nusqasy – bólip tóleý júıesimen salý. Iаǵnı, ony salatyn kompanııa tólem merzimin uzarta alady. Tıisinshe, qarjylandyrýǵa qarajat qajet bolmaýy múmkin", – dedi vıse-mınıstr.
Qasenov jýrnalısterdiń "AES Qazaqstan úshin tıimsiz bola ma" degen suraǵyna jaýap berdi. Aıtýynsha, bul joba elimizge shyǵyn ákelmeıdi.
"Energııa óndiretin barlyq jobalardyń ózindik quny bar. Olar tarıfke engizilgen. Bul joba men basqa da energııa óndirýshi kez kelgen joba sol sebepti tıimsiz dep eseptelmeıdi", – dedi vıse-mınıstr.
8 qazanda Ortalyq referendým komıssııasy Qazaqstanda AES salý boıynsha Respýblıkalq referendýmnyń nátıjelerin shyǵarǵan edi. Málimetterge sáıkes, AES salýǵa 71,12% adam kelisken. Osylaısha, referendým ótti dep sanalǵan.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir