"Azamattarǵa qońyraý soqpaıdy": BZJQ qazaqstandyqtarǵa alaıaqtardan saq bolýǵa eskertedi

Keıingi kezderi alaıaqtar ártúrli jańa ssenarııler oılap tapqan. Sonyń biri – salymshylar men alýshylarǵa qor qyzmetkerleriniń atynan qońyraý shalyp, BJZQ-ǵa zeınetaqy aýdarymdary qate jasalǵany, sol úshin bólimshege barý qajettigi jáne SMS arqyly elektrondy brondaýǵa múmkindik bar ekeni týraly aıtylady. 

"Budan keıin alaıaqtar telefonǵa kelgen talon nómirin nemese kodty atap, rastaýdy suraıdy. Osylaısha olar sizdiń banktik shottaryńyzǵa jáne jeke málimetterińizge qol jetkize alady. Mundaı alaıaqtyqqa jol bermeý úshin mynany bilý kerek: BJZQ qyzmetkerleri azamattarǵa qońyraý soqpaıdy! Sondyqtan qyraǵy bolyp, bógde adamdarǵa eshqandaı kod bermeńiz. Sondaı-aq beıtanys siltemelerge ótpeńiz", delingen qor habarlamasynda.

О́zińdi qalaı qorǵaýǵa bolady?

• Eshqashan jáne eshkimge ózińizdiń kodtaryńyzdy nemese qupııasózderińizdi aıtpańyz.
• Aqparatty resmı arnalar arqyly tekserińiz.
• Eger sizge BJZQ atynan qońyraý shalynsa, telefondy qoıyp, Qorǵa tikeleı habarlasyńyz!
• Qarjylyq jáne zeınetaqy qyzmetterin alý úshin kómek usynatyn deldaldardyń qyzmetin paıdalanbańyz. Sebebi olar sizdiń jeke derekterińizdi óz múddeleri úshin paıdalanýy múmkin. 
• Bul aqparatty bólisip, jaqyndaryńyz da habardar bolyp, qorǵalǵanyna kóz jetkizińiz.

Barlyq suraqtaryńyzǵa jaýap alyp, aqparatty tekserý úshin ENPF bólimshelerinde nemese qashyqtyqtan baılanys ornatýǵa bolady: enpf.kz saıtynda, BJZQ/ENPF mobıldik qosymshasy arqyly, 1418 nómirine tegin qońyraý shalý arqyly nemese WhatsApp nómirine +7 777 000 1418 habarlasý arqyly. 

Sonymen qatar BZJQ-nyń resmı áleýmettik jelilerdegi paraqshalarynda, mysaly, "Odnoklassnıkı", Telegram, "Facebook", "VKontakte", "H" ("Twitter") jáne "Instagram" arqyly baılanysýǵa bolady.