Roman Sklıar AES qurylysy jaıynda: Saıası táýekelder týyndaǵan sátinde qarastyrylady

«Konsorsıým bolatyn shyǵar. Eń bastysy — qaýipsizdik. Sonymen qatar biz salynatyn jańa stansa eń tyń jobalyq sheshimder men óz salasynyń kóshbasshysy sanalatyn óndirýshi eldiń ozyq tehnologııasy bolǵanyna múddelimiz. Sondyqtan sheshim konfıgýrasııa boıynsha qabyldanady. Onymen men de, Almasadam Maıdanuly da (Energetıka mınıstri Almasadam Sátqalıev) aınalyspaıdy. Arnaıy jobalyq top bolady. Al oryn alýy múmkin saıası táýekelder týyndaǵan sátinde, ıaǵnı jobalaý barysynda qarastyrylady. Eger mundaı jaıt oryn alsa, onda túrli kompanııalarmen, túrli eldermen aradaǵy shartta sanksııalyq kelisim bolatyndyǵy sózsiz, - dedi Úkimet basshysynyń birinshi orynbasary BAQ ókilderiniń saýalyna oraı.