«Sorly erkek»: M.Maqataevqa til tıgizgen bloger aqynnyń eskertkishine baryp, tizerlep keshirim surady

Áleýmettik jelide ózin rılsmeıker retinde tanystyryp júrgen Álisher Temenov esimdi qoldanýshy jarnama jasaý barysynda Muqaǵalı Maqataevqa til tıgizgen áreketi úshin  synǵa qalyp, osy isi úshin aqynnyń eskertkishine baryp keshirim surady. 

Ol jarnamalarynyń birinde Muqaǵalı Maqataev jalpy «jalovatsıa» ete beretin sorly erkek bolady ǵoı – vot sondaı degen.

«Búgin meniń týǵan kúnim oı páli-aı, myna adamdar nege jatyr toılamaı» deıdi. «Eı, sen bl… (jaman sóz) birinshi jasasańshy týǵan kúnińdi. Sosyn baramyz ǵoı. «Banket jasap berer edim ózim-aq, táńirdiń bir jarytpaı-aq qoıǵany-aı» deıdi. Prıchem týt, qudaı? Seniń týǵan kúnińde ústelińniń jaıylyp turǵany qudaıǵa baılanysty ma? О́ziń jasa! Erkeksiń ǵoı, ne úshin otyrsyń myna jerde? Otanyńdy qorǵaısyń – erkeksiń, áýletińdi qorǵaısyń – erkeksiń. Áıelińdi qorǵaısyń – erkeksiń. Úkimetten «úıdi qashan beredi» dep kútip otyrsań, onda sen erkek emessiń», – deıdi ol.

Blogerdiń daýly sózi qoǵamda rezonans týdyrdy.

«Basqa pále tilden» degen. Haıp qýyp, aqsha tabam dedi me eken, myna «ottap» otyrǵan sorlyny Qarasazdyń jigitteri alyp ketipti. Áıeli úıinde jan tappaı otyr eken. Onlaın keshirim suraǵanyna da qaramaǵan.

Qazir áleýmettik jelide «paraqsham ózimdiki, ne aıtam ózim bilemin, unamasa otpıska jasa» dep qýyp otyratyn «danyshpandar» kóbeıgen. Olarǵa zań júrmeıtin sııaqty. Myna shalasaýatty Narynqoldyń jigitteri mertiktirmeı aman jiberse boldy. Aýyz ózimdiki eken dep ottaı berýge bolmaıtynyn jaqsylap uqtyrdy dep oılaımyn», - dep jazdy jýrnalıst Gúlbaný Ánııatqyzy.

Osy áreketinen keıin atyshýly blogerdiń Muqaǵalı Maqataevtyń eskertkishiniń aldyna baryp, basyn ıip keshirim suraǵany belgili boldy.

«Qazaq eliniń aldynda jasap qoıǵan úlken bir erkeligimdi arýaq keshirsin degen nıetpen dál qazir Muqaǵalı atamyzdyń úıiniń aldynda turmyn. Barsha qazaq elinen jasaǵan úlken qateligim úshin keshirim suraımyn», – deıdi bloger Álisher Temenov.