04 Qazan, 2024 NEWS
Qazaqstanda taǵy eki mıkroqarjy uıymynyń lısenzııasy toqtatyldy
Qarjy naryǵyn retteý jáne damytý agenttigi Bravo Microfinance jáne CashCapital mıkroqarjy uıymdarynyń lısenzııasyn 3 aı merzimge ýaqytsha toqtatty.
Foto: ashyq derekkózden
Bravo Microfinance jáne CashCapital mıkroqarjy uıymdarynyń lısenzııasy normatıvterdi nemese ózge de mindetti normalar men lımıtterdi buzyp, ýákiletti organnyń jazbasha nusqamasyn oryndamaǵandyqtan ýaqytsha toqtatyldy.
Egov-tyń málimetinshe, Microfinance MFO uıymy Merýert Hamıtova men Asylbek Ábdilhaıǵa tıesili Bravo Group kompanııasynyń basqarýynda. Kompanııa 2019 jyldyń qyrkúıeginde Astanada tirkeldi. Onyń alǵashqy basshysy – Artem Kotelkın.
Al CashCapital MFO Joint Logistics logıstıkalyq kompanııasyna ıelik etetin Aıaz Temirǵalıevke tıesili. Bul mıkroqarjy uıymy elimizde 2021 jyldan beri tirkelgen.
Ulttyq banktiń deregine sensek, Bravo Microfinance 2024 jyldyń 5 qyrkúıeginde 732 mıllıon teńge aktıvimen 221 uıymnyń ishinde 88-oryndy ıelendi. Al CashCapital quny 200 mıllıon teńge aktıvimen 204-orynǵa turaqtady.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir