14 Qazan, 2024 NEWS
Munaı-gaz hımııasy ónerkásibin damytýǵa arnalǵan jol kartasy ázirlendi
Energetıka mınıstrligi shıkizatpen qamtamasyz etýden bastap túpkilikti ónim shyǵarýǵa deıingi is-sharalardy qamtıtyn «Munaı-gaz hımııasy ónerkásibin damytýdyń 2024-2030 jyldarǵa arnalǵan Jol kartasyn» ázirledi.
Kórneki sýret
Qujattyń maqsaty – munaı-gaz hımııasy salasyn damytý jáne osy saladaǵy jobalardy iske asyrýǵa járdemdesý.
Jol kartasynyń erejelerin oryndaý sheńberinde mynadaı nátıjeler kózdelgen:
- Munaı-gaz-hımııa ónimderin óndirý kólemin 2023 jylǵy 357,8 myń tonnadan 2030 jylǵa qaraı 1,8 mln tonnaǵa deıin ulǵaıtý;
- Munaı-gaz hımııasynda iske asyrylatyn jáne jańa jobalardy qajetti shıkizatpen qamtamasyz etý;
- 14,7 mlrd AQSh dollary somasyna ınvestısııalar tarta otyryp, shamamen 3,5 myń turaqty jáne 16 myń ýaqytsha jumys ornyn qura otyryp, alty jobany iske asyrý;
- Munaı-gaz hımııasy jobalary úshin "UIMHT" AEA aýmaǵynda qajetti ınfraqurylym salý;
- Munaı-gaz-hımııa salasynyń ónimderin ótkizý naryqtaryn qamtamasyz etip, ishki tutynýdy yntalandyrý;
- Ǵylymı bazany, adamı kapıtaldy jetildirý, sondaı-aq tıisti normatıvtik-quqyqtyq jáne tehnıkalyq qujattardy qabyldaý esebinen salany damytý úshin jaǵdaılar jasaý.
Jol kartasyn QR Úkimeti bekitti.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir