04 Qazan, 2024 NEWS
Astanada júk kóliginiń júrgizýshilerine 100 mıllıon teńge aıyppul salyndy
Astanada kóliktik baqylaý kúsheıtildi.
Kórneki sýret
Astanaǵa kiretin barlyq júk kóligi avtomatty túrde ólsheýden ótedi, dep habarlady Kólik mınıstrligi.О́tken aıdan bastap elordanyń negizgi kireberisterinde jol sapasyn qamtamasyz etý maqsatynda aýyr júk kólikteriniń salmaǵyn ólsheıtin avtomattandyrylǵan júıeler iske qosyldy.
Osylaısha, qyrkúıektiń ortasynan beri 280 júk kóliginiń júrgizýshisi salmaq normasyn buzǵan. Aıyppuldyń jalpy somasy 100 mıllıon teńgeden asty. Júk tasymaldaıtyn kompanııalarǵa hattama jiberildi.
"Inertti júkti tasymaldaıtyn árbir úshinshi samosval júrgizýshisi ruqsat etilgen normany saqtamaı, normadan tys júk tasymaldaýda. Aýyr júk kólikterine tıelgen júk normadan 2-3 ese asyp túsedi. Ruqsat etilgen norma 25 tonna bolsa, is júzinde 40-60 tonna tasymaldanady. Biz júk kóligi júrgizýshilerin jáne barlyq tasymaldaýshyny ruqsat etilgen salmaq normalaryn qatań saqtaýǵa shaqyramyz. Negizgi mindet — joldardyń merziminen buryn tozýyn boldyrmaý", – delingen habarlamada.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir