04 Qarasha, 2024 NEWS
Zeınetkerlikke erte shyǵýǵa ruqsat berilýi múmkin
Bul týraly Eńbek jáne halyqty áleýmettik qorǵaý mınıstri Svetlana Jaqypova aıtty.
Kórneki sýret
Búgingi tańda bizdiń qoǵamda birneshe suraq talqylanyp jatyr. Bul - zeınet jasyn kútpeı, zeınetke erte shyǵý. Bul suraq analarymyz, kópbalaly analarymyz, múgedektigi bar balalardy tárbıelep otyrǵan analarymyz úshin óte mańyzdy. Bul kisiler de erte zeınetke shyǵý máselesin kóterip otyr. Sondaı-aq mınıstrliktiń aldyna zııandy jaǵdaıda jumys isteıtin azamattardy 50-55 jastan zeınetke shyǵarý máselesi de qoıylyp otyr, - dedi mınıstr.
Sondaı-aq ol:
- Mysaly, zeınet jasyna kelse de, zeınetke shyqpaı, jumysyn ári qaraı jalǵastyrǵan azamattarǵa zeınetaqysyn tólemeı, ony bıýdjette qaldyrý. Al zeınet jasyna jetpeı, zeınetke shyqqysy keletin azamattarǵa bıýdjettegi sol qarjyny tóleý qarastyrylyp otyr, - dedi Svetlana Jaqypova.
Bul jerde zeınetke erte shyqqysy keletin azamattardyń eńbek ótili 25 jyldan kem bolmaýy kerek. Iаǵnı osy ýaqyt boıy zeınet jarnalarynyń aýdarymy bolýy qajet. Mysaly, azamat 20 jasynan bastap jumys istese jáne tıisti jarnalary ýaqytyly aýdarylyp otyrsa, onda ol 45 jasynda erte zeınetke shyǵa alady.
Bul usynystar áli qabyldanbaǵanyn, muny qazir mınıstrlik tıisti organdarmen birlese qarap jatqanyn eske sala keteıik.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir