04 Qarasha, 2024 NEWS
Memlekettik rámizder qoqystan tabyldy
Almaty oblysy Talǵar aýdanynda ornalasqan qoqys polıgonynda Memlekettik rámizderdi tastaǵandar izdestirilip jatyr.
Foto: ashyq derekkózden
Áleýmettik jelide Memlekettik rámizderdiń qoqysta jatqany taspalanǵan vıdeo tarady. Aýdan ákimdiginiń málimetine sáıkes, beınejazba Talǵar aýdanyna qarasty Qaınar aýyldyq okrýginiń Erkin aýylynyń aýmaǵynda ornalasqan qoqysta túsirilgen.
- Jergilikti atqarýshy organ qyzmetkerleri qoqysta tekseris júrgizdi. Tekseris barysynda memlekettik rámizdermen birge kolledj qujattary tabyldy. Rámizder qoqystan shyǵaryldy. Joıý jumystary memlekettik tý men rámizdi aýystyrý jáne joıý erejesine sáıkes júrgiziledi, – dedi Talǵar aýdanynyń ákimdigi.
Almaty oblysynyń Polısııa departamenti Memlekettik rámizderdi qorlaý faktisi boıynsha polısııa qylmystyq is qozǵalǵanyn málimdedi.
- Talǵar aýdandyq polısııa qyzmetkerleri bolǵan oqıǵanyń barlyq mán-jaılaryn anyqtaý úshin qajetti jedel is-sharalar uıymdastyrdy. Kináli adamdarǵa qoldanystaǵy zańnamaǵa sáıkes tıisti sharalar qabyldanatyn bolady - dep habarlady oblystyq PD baspasóz qyzmeti.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir