Ábilázovtyń isine qatysy bar taǵy bir kúdikti óz kinásin tolyqtaı moıyndady

BTA banki basqarmasynyń burynǵy tóraǵasy Sádýaqas Mámesh ózine taǵylǵan aıyptardy tolyqtaı moıyndady. Osyǵan baılanysty sot taraptardy tyńdaý prosesin keıinge qaldyrdy. Bul týraly Almaty qalasynyń qylmystyq ister jónindegi aýdanaralyq sotynda belgili boldy, - dep habarlaıdy Qamshy aqparattyq agenttigi Tengrinews.kz basylymyna silteme jasap.

"Maǵan taǵylǵan aıyptardyń barlyǵyn moıyndaımyn jáne istegen isime ókinemin", - dedi ol.

Aıta keteıik, osyǵan deıin basqarma tóraǵasynyń birinshi orynbasary Jaqsylyq Jarymbetov ta kinásin tolyqtaı moıyndaǵan edi.

Aıta keteıik, Áblıazovtiń ózi sotqa qatysyp jatqan joq, onyń múddesin memleket taǵaıyndaǵan advokat qorǵap otyr. Sottalýshy retinde BTA bankiniń burynǵy top-menedjerleri qarastyrylyp otyr. Olar - basqarma tóraǵasy Sádýaqas Mámesh, basqarma tóraǵasynyń birinshi orynbasary - kredıt komıtetiniń tóraǵasy Jaqsylyq Jarymbetov, kredıtteý boıynsha dırektor Qaırat Sadyqov. Mámesh pen Sadyqov sotta óz kinásin ishinara moıyndasa, Jarymbetov tolyqtaı moıyndap otyr. 

Eske salaıyq, Áblıazov qylmystyq top qurdy jáne oǵan basshylyq etti, BTA bankiniń qarajatyn jymqyrdy jáne olardy zańdastyrdy, bank qarajatyn zańsyz qoldandy jáne ókilettigin teris paıdalandy dep aıyptalyp jatyr. "Tergeý barysynda Antıkorrýpsııa qyzmeti Áblıazov pen onyń sybaılastarynyń zańsyz áreketteriniń qosymsha dálelderin tapty. Bankten qarajatty jymqyrýdyń jańa nusqalary ashyldy. Anyqtalǵan derekter Áblıazovtiń qylmystyq uıym quryp, oǵan basshylyq etken degen qosymsha kúdik kelip otyr. Onyń ishinde birqatar uıymdasqan qylmystyq top kiredi, top Qazaqstan terrıtorııasynda da, shetelde de áreket etken", - delingen edi vedomstvo habarlamasynda.