40-tan astam JOO jáne 3 myńǵa jýyq talapker: Aqtaýda bilim berý kórmesi ótýde

13 mamyrda Aqtaýda QR Ǵylym jáne joǵary bilim mınıstrligi men Mańǵystaý oblysynyń ákimdigi uıymdastyrǵan óńir talapkerlerine arnalǵan joǵary bilimniń aýqymdy kórmesi bastaldy.

Kórmede Qazaqstannyń túrli qalalarynan 40-tan astam jetekshi JOO óz ýnıversıtetterin tanystyryp, bilim berý baǵdarlamalary týraly aıtyp berdi. Kórme jumysy barysynda JOO ókilderi talapkerler men olardyń ata-analarynyń qabyldaý naýqandary, ýnıversıtettiń halyqaralyq yntymaqtastyǵy jáne akademııalyq utqyrlyq baǵdarlamasynyń múmkindikteri, stýdenttik ómir jáne t. b. týraly suraqtaryna jaýap berdi.

Kórmeniń birinshi kúni 3000-ǵa jýyq Aqtaý qalasynyń mektep jáne kolledj túlekteri keldi. Barlyq nıet bildirýshiler bolashaq mamandyqty jáne oqyǵysy keletin joǵary oqý ornyn tańdaýǵa qatysty suraqtaryna qoıdy. Sondaı-aq, kórme qonaqtary halqy tyǵyz ornalasqan jáne batys óńirlerdegi jastarǵa arnalǵan nysanaly bilim berý granttary sheńberinde oqýǵa túsý tártibi jáne tegin oqý múmkindigi týraly qajetti aqparat ala aldy.

«Bilim berý grantynyń bul túri 2022 jyly alǵash ret QR Prezıdenti Qasym-Jomart Toqaevtyń tapsyrmasy boıynsha anyqtaldy. Bul Atyraý jáne Mańǵystaý oblystarynyń mektep túlekterine elimizdiń jetekshi joǵary oqý oryndarynda oqý úshin maqsatty granttar alýǵa múmkindik berdi», - dep atap ótti QR Ǵylym jáne joǵary bilim mınıstriniń keńesshisi Rýslan Emelbaev.

Kórme aıasynda QR ǴJBM joǵary jáne joǵary oqý ornynan keıingi bilim komıteti tóraǵasynyń orynbasary Aqerke Abylaıhan is-shara qonaqtaryna 2024-2025 oqý jylyna Mańǵystaý jáne Atyraý oblystary jastaryna 3 200 grant bólingenin aıtty.

«Bıyl biz sizdi birqatar jaqsy jańalyqtarmen qýantqymyz keledi. Atap aıtqanda, daıyndyq baǵyttarynyń tizimi keńeıtildi, olar pedagogıkalyq jáne gýmanıtarlyq, IT, áleýmettik, ekonomıkalyq, ınjenerlik mamandyqtar, quqyq, óner jáne qyzmet kórsetý. Sondaı-aq, kolledj túlekteri qysqartylǵan bilim berý baǵdarlamalary boıynsha granttar konkýrsyna qatý múmkindigine ıe. Maqsatty bilim berý granttary negizinde Mańǵystaý jáne Atyraý oblystarynyń talapkerleri elimizdiń 40 - tan astam jetekshi joǵary oqý oryndarynda bilim ala alady», - dep atap ótti Aqerke Abylaıhan.

Kórme aıasynda talapkerlerdi kásiptik baǵdarlaý boıynsha «Granttardyń túrleri jáne talapkerdiń jol kartasy» semınary jáne ata-analarǵa kásiptik baǵdarlaý boıynsha arnaıy semınar ótkizildi.

Kásiptik baǵdar berýshiler UBT-2024, mamandyq tańdaý, bilim berý granttary boıynsha oblys túlekterine aqparattyq-túsindirý jumystaryn júrgizdi, sondaı-aq talapkerler men olardyń ata-analarynyń suraqtaryna jaýap berdi. Keńes berýden basqa, qonaqtar úshin utys oıyndary men vıktorınalar ótkizildi. Qatysýshylar mektep pánderi boıynsha túrli suraqtarǵa jaýap berdi. 

Kórme 14 mamyrda Aqtaý qalasynda óz jumysyn jalǵastyrady. Sondaı-aq, 14 mamyrda 20-dan astam JOO ókilderi Jańaózen qalasynda ótetin kórmege qatysady.