Er adamdar Qazaqstannyń qaı óńirinde kóp?

Ulttyq statıstıka bıýrosy Qazaqstan halqy sanynyń 2024 jyldyń 1 sáýirine sáıkes aqparatty jarııalady. Elimizde 20 mln 95 myń 963 adam ómir súredi eken.

Qalalyq aımaqtarda 12,5 mln adam turady. Qazaqstandaǵy áıelder sany er adamdardan áldeqaıda kóp: 10 mln 280 myń 498 áıel, 9 mln 815 myń 465 er adam.

Áıelderdiń sany kóptigine qaramastan elimizdiń 3 óńirinde er adamdar áıelderden kóp.

Bul Almaty oblysy – 769 myń 521 er adam, 768 myń 353 áıel, Qyzylorda oblysy – 423 myń 922 er adam jáne 419 myi 461 áıel.

Túrkistan oblysy erler sanynyń ústemdigi boıynsha kóshbasshy boldy. Onda 1 mıllıon 093 myń 928 er adam jáne tek 1 mıllıon 051 myń 285 áıel turady.